ବାଘ ମାମୁ

କେତେ କଲବଲ କରୁଛ ମୋତେରେ

ମୁଁ ଅଟେ ମାମୁ ତୁମର 

ମୋ ବାସ ସ୍ଥାନକୁ କରୁଅଛ ନଷ୍ଟ 

ରହିବାକୁ ନାହିଁ ଘର

ଜଙ୍ଗଲେ ମୋ ବାସ ଜଙ୍ଗଲ କାଟୁଛ

ନିର୍ମାଣ କରୁଛ ଶିଳ୍ପ 

ଦିନୁ ଦିନ କଷ୍ଟ ବଢିଯାଏ ମୋର 

ମୋ ବଂଶ ରହିଛି ଅଳ୍ପ

ରାସ୍ତା ତିଆରିଲ କୋଠା ବାଡି କଲ

ଚାଷ ପାଇଁ କଲ ସଫା 

ଶିକାରୀ ଶିକାର ବେଧଡକେ କରେ 

ନାହିଁ କିହା ପାଇଁ ଦଫା

ଭୋକ ଉପାସରେ କଟେ ମୋ ଜୀବନ 

ଖାଇବାକୁ ନାହିଁ ପଶୁ 

ହରିଣ ସମ୍ବର ଜେବ୍ରା ବଣଗଧ

ମିଳେ ନାହିଁ ଦେଖିବାକୁ

ଜାତୀୟ ପଶୁର ଫୁଲମାଳ ଦେଇ 

ମୋତେ କର ସନମାନ 

ଜଙ୍ଗଲ କାଟୁଛ ପରିବେଶ ଲୋଟି 

କରି ମୋତେ ହୀନିମାନ