ଅତ୍ମାଲବ୍ଧ ପ୍ରେମ

ନଦେଖି ନଦେଖି ଦିନ କଟିଯାଏ

ନଛୁଇଁ ନଛୁଇଁ ରାତି ବିତିଯାଏ

ଏ ତୁମ ମୋ ଭିତରର ପ୍ରେମ

ଯାହା ଆଗକୁ ମୋତେ ବାଟ କଢାଏ|

ପ୍ରେମ ବୁଝେ ନାହିଁ କିଛି

ବୁଝାଇଦିଏ ସବୁ କିଛି

ଚାହେଁ ନାହିଁ କିଛି

ପାଏ ସବୁ କିଛି |

ଏ ପ୍ରେମରେ ଦୁଃଖସୁଖ ଏକା କଥା,

ଆଖିର ଲୁହ ଆଉ ଓଠର ହସ

କହେ ଏକା କଥା |

ଜୀବନର ଅର୍ଘ୍ୟଦାନ ପ୍ରାଣ ତୃପ୍ତି ଆଣେ

ଦେହକୁ ବିବସନ କରେ ନାହିଁ

ଅନ୍ତକରଣର ଖୋଲେ ଆବରଣ |

ଅତ୍ମାଲବ୍ଧ ପ୍ରେମ

ଗ୍ରାସ ହୁଏନାହିଁ କାଳର ଗ୍ରାସରେ

ଜୀର୍ଣ୍ଣ ହୁଏ କାଳ ପ୍ରେମର ବସରେ 

ଈଶ୍ୱର ହିଁ ପ୍ରେମ ,ପ୍ରେମ ହିଁ ଈଶ୍ୱର |