ଅତିଥି ସେବା

ଅତିଥି ମହତ୍ତ୍ୱ କର ଶ୍ରବଣ

ଧରମ ଶାସ୍ତ୍ରରେ ଯାହା ଲିଖନ

ଯାହାର ଦ୍ୱାରୁ ଅତିଥି ନିରାଶ

ଶୂନ୍ୟ ହସ୍ତେ ଫେରେ ତାର ବିନାଶ

ସର୍ବ ପୂଣ୍ୟ ଫଳ

ଗୃହସ୍ଥର ଧର୍ମବଳ ସମ୍ବଳ ||

ଶତ କୁଟୁମ୍ବଙ୍କୁ କରିଲେ ଦାନ

ଏକ ଅଭ୍ୟାଗତ ତୁଲେ ସମାନ

ଶତ ଅଶ୍ଵମେଧ ଯାଗର ଫଳ

ଏକ ଅତିଥି ସତ୍କାରେ ସଫଳ

ଶତ ଦ୍ଵିଜେ ଦାନ

ଦେଲେ ହେବ ଏକ ଋଷି ସମାନ ||

ଶତ ଋଷି ଦାନେ ଏକଇ ମୁନି

ଶତ ମୁନିରେ ଏକ ମହାମୁନି

ଶତ ମହାମୁନି ହେଲେ ତୃପତି

ଯେଉଁ ପୂଣ୍ୟଫଳ ହେବ ପ୍ରାପତି

ଏକ ଅତିଥିରେ

ଅନୁଦାନେ ସେହି ସୁଫଳ ମିଳେ ||

ଅତିଥି ଦେବତା କର ପୂଜନ

ଅତିଥି ପୂଜନେ ପୁଣ୍ୟ ଅର୍ଜନ

ସୁଯୋଗ ଯାହାର ଭାଗ୍ୟରେ ଥିବ

ଅତିଥି ସେବା ତାହାକୁ ମିଳିବ

ଦୟା ସୁବିନୟ

ଶୁଦ୍ଧ ପୂତ ଜ୍ଞାନ ହେବ ଉଦୟ ||