Library
ଅତି ନିକଟରୁ
ଅତି ନିକଟରୁ
ଅତି ନିକଟରୁ ଯେ ଦେଖିଛି
ଅନ୍ୟର ଦୁଃଖ ଦୁର୍ଦ୍ଦଶା
ଅତି ନିକଟରୁ ଯେ ଦେଖିଛି
ଅନ୍ୟର ଗରିବୀ ଓ ଲୋକହସା
ଅତି ନିକଟରୁ ଯେ ହୃଦବୋଧ କରିଛି
ପ୍ରେମ ଓ ପ୍ରତାରଣାର ହିଂସା ପ୍ରତିହିଂସା
ତା ପାଶେ ଅନୁଭୂତ ହୁଏ ମଣିଷ ପଣିଆ
ତା ମଧ୍ୟେ ପରିସ୍ଫୁଟିତ ହୁଏ ପ୍ରକୃତ ମାନବିକତା ।
ହୃଦୟର ନିଭୃତ କୋଣରୁ
ଯେ ବୁଝିଛି ଅନ୍ୟ ହୃଦୟର
ବ୍ୟଥା ଓ ବିବଶତା
ସେ ବୁଝିଛି ଜୀବନର ସଂଜ୍ଞା
ସେ ଆଣିଛି ତା ଜୁବନେ ପରିପକ୍ଵତା
ପ୍ରୀତି ପ୍ରଣୟର ବୁଝିଛି ମାନେ
ବୁଝିଛି ତା ଜୀବନ ସଂହିତା ।
ପ୍ରେମକୁ ବୁଝିଛି ଯେଉଁ ପ୍ରେମିକ ପ୍ରେମିକା
ପ୍ରେମର ଯେ ହୋଇଛି ସେବକ ସେବିକା
ସେ ଜୀବନକୁ ଦେଖିଛି ଅତି ନିକଟରୁ
ସାଜି ନିଜକୁ ସମାଜର ପଥ ପ୍ରଦର୍ଶକ ପ୍ରଦର୍ଶିକା
ଅଲୋଡା ଅଖୋଜା ଏ ଜୀବନ
ପ୍ରତି ମନୁଷ୍ୟ ଖୋଜୁଛି ତା ଜୀବନର ମାନ
ଆଲୋକ ଓ ଅନ୍ଧକାର ମଧ୍ୟେ
ଅତି ନିକଟରୁ ଦେଖୁଛି ତା ଅମୂଲ୍ୟ ପ୍ରାଣ ।
ଅତି ନିକଟରୁ ଯେ ଦେଖିଛି
ପରିବାର ଓ ପରିବେଶ ର ଦୁଃସ୍ଥିତି
ସେ ବୁଝିଛି ଏ ସମାଜର ପରିସ୍ଥିତି
ଗଣତନ୍ତ୍ର ଏବେ ନିହତ
ପ୍ରଜାତନ୍ତ୍ର ଆଜି ଆହତ
ମାତୃଭୂମି ମାତୃଭାଷା ଏବେ ପରାଜିତ
ପାଶ୍ଚାତ୍ୟ ଏବେ ଆମେ ସଭିଏଁ
ଆମ ସଭ୍ୟତା ଏବେ ପରାହତ
ଆମ ମାତୃ ଜାତି ଆଜି ନିର୍ଯ୍ୟାତିତ
ଭୃଣ ହତ୍ୟାରେ ଆମେ ନିମଜ୍ଜିତ ।
ଅତି ନିକଟରୁ ଯେ ଦେଖିଛି
ଅନାହାର ଅର୍ଦ୍ଧାହାର ଓ ବେରୋଜଗାର
ସେ ବୁଝିଛି ମଣିଷ କରୁଛି ମଣିଷକୁ ଏତେ ହତାଦର
ସବୁ ମଣିଷ ଜୀବନ ଆଜି ଗତି କରେ
ହା ହା କାର ଖାଲି ହା ହା କାର ।
ଶିକ୍ଷା, ସ୍ଵାସ୍ଥ୍ୟ, ସଭ୍ୟତା ସବୁ ଖାଲି
ଏବେ ଚାଲିଛି ମିଛ ପଟୁଆର
ଭିଡ ଏବେ ଏ ସମାଜେ ମିଛୁଆ ରାଧୁଆ ମାନଙ୍କର
ସତ୍ୟବାନ୍ ମାନେ ଏବେ ଦଣ୍ଡିତ ହୁଅନ୍ତି
ଜିତାପଟ୍ ହୁଏ ମିଥ୍ୟାବାଦୀ ମାନଙ୍କର
ଅତି ନିକଟରୁ ଦେଖିଛି ଯେ ଏମାନଙ୍କ
କାର୍ଯ୍ୟ ଓ ଗୁଣ ଗ୍ରାମର
ସେ ବୁଝିଛି କାର୍ଯ୍ୟ ଶୈଳୀ
ଏ ଭଣ୍ଡ ମାନଙ୍କର।
ଅନ୍ୟାୟ ଅନୀତି ଦୁର୍ନୀତିରେ
ଯେ ଧୁରନ୍ଧର
ସେ ଅଟେ ଆଜିକା ସମାଜେ ପାରିବାର
ନାରୀ ନିର୍ଯ୍ୟାତନା ବଧୂନିର୍ଯ୍ୟାତନା
ସବୁଥିରେ ଯେ ଧୁରନ୍ଧର
ଏବେକା ସମାଜେ ସେ ପରା ଅଟେ
ଏ ସମାଜେ ମାନ୍ୟଗଣ୍ୟ ଓ ମାନ୍ୟବର ।
ଦେଶେ ଓ ସମାଜେ ଚେଷ୍ଟିତ ହେବା
ଆଣିବା ଭାଇ ସଂସ୍କାର
ନୀତି ଆଦର୍ଶରେ ବଞ୍ଚିବାକୁ ପ୍ରୟାସ
କରିବା ଚାଲ ସଭିଏଁ ନିରନ୍ତର
ଅତି ନିକଟରୁ ଦେଖିବା ଚାଲ
ଦୁଃଖ ଓ ଅବସାଦ ପ୍ରତିଟି ହୃଦୟର ।
