ଅଷ୍ଟଲକ୍ଷ୍ମୀ

ଆସ ଆସ ମାତା ସାଗର ଦୁହିତା

    ଗଜ ପରା ସଜ ହେଲେଣି.

ବାଉନ ଭଣ୍ଡାର ତୁମେ ମାଲିକାଣି

    ଆସ ଆସ ବିଷ୍ଣୁ ଘରଣୀ. l

ଅଷ୍ଟଲକ୍ଷ୍ମୀ ମାତା ଅଷ୍ଟ ସୁଲକ୍ଷଣୀ

କୃପାହେଲେ ତୁମ ଧନ୍ୟ ହୁଏ ପ୍ରାଣୀ

ବଢ଼ଇ ସମୃଦ୍ଧି ଉତ୍ପାଦିକା ଶକ୍ତି

ଧନ ଧାନ୍ୟେ ପୁରି ଉଠଇ ଧରିତ୍ରୀ

ମାତା, ତୁମେ ସୌଭାଗ୍ୟ ଦାୟିନୀ. l

ତୁମ କୃପାବଳେ ସ୍ୱାସ୍ଥ୍ୟ ରହେ ସୁସ୍ଥ

ଜ୍ଞାନର ଭଣ୍ଡାର ତୁମେ ପଦ୍ମହସ୍ତ

ବଳ କ୍ଷମତାର ମାତା ଠାକୁରାଣୀ

କୃପାବଳେ ହସେ ଏ ସାରା ମେଦିନୀ.

ଦିଅ, ସନ୍ତାନ କୋଳକୁ ପୁଣି. l

ଦୁଃଖ ହଜିଯାଏ ଜୀବନୁ ଡାକିଲେ

ଶୁଭ ଦୃଷ୍ଟି ଯେବେ ପଡଇ ଉପରେ

କୋପ ଦୃଷ୍ଟି ହେଲେ ଧନ ହୁଏ ପାଣି

ନ ମିଳଇ ଅନ୍ନ ବାସ ଜଳ ପୁଣି.

ମାତା, ତୁମେ ଜଗତ ଜନନୀ. l