ଅସମ୍ଭବ କଲେ ସମ୍ଭବ !

ପାହାଡ଼କୁ କାଟି 

ରାସ୍ତା କରିଥିଲେ

ବୀର ଦଶରଥ ମାଝୀ !

ଲୋକ କହୁଥିଲେ

ପାଗଳ ତାହାଙ୍କୁ

ଶକ୍ତି ଆସୁଥିଲା ସାଜି !!

ଶୁଣୁ ଥିଲେ ସବୁ

କର୍ଣ୍ଣେ ଦଶରଥ

ବଢୁ ଥିଲା ଦୃଢ଼ ଶକ୍ତି !

ଜନ ହୀତ ଲାଗି

ରାସ୍ତା କରୁଥିଲେ

କର୍ମେ ଥିଲେ ଦିନ ରାତି !!

ପାଗଳ ହୋଇଣ

କାର୍ଯ୍ୟ କରୁଥିଲେ

 ହେବ ସଂକଳ୍ପଯେ ପୂର୍ଣ୍ଣ !

ପାହାଡ଼ କାଟିଲେ

କର୍ମ ପଥେ ରହି

ଦଶରଥ ମାଝୀ ଜାଣ !!

ମାଉଁଟେନ୍ ମେନ୍

ନାମରେ ବିଖ୍ୟାତ

ଜାଣିଲା ସାରା ଦୁନିଆ !

ବାଇଶି ବର୍ଷରେ

ପୂର୍ଣ୍ଣି କଲେ ତାହା

ଗୁଞ୍ଜୁ ଅଛି ତାଙ୍କ ନାଆଁ !!

ପଚିଶ ଫୁଟଟି

ଉଚ୍ଚତା ଯାହାର

ତିନିଶ ଷାଠିଏ ଲମ୍ବ !

ତିରିଶ ଫୁଟରେ

ଚଉଡା ତାହାର

ଥିଲ କେତେ ତାଙ୍କ ଦମ୍ଭ !!

ବିହାର ଗୟାରେ

ଜନ୍ମ ଟି ତାଙ୍କର

ଧନ୍ୟ ସେ ପବିତ୍ର ଭୂଇଁ !

ମାଝୀ ଜନହୀତେ

କଲେ ଦିବ୍ୟ କାର୍ଯ୍ୟ

ସ୍ମୃତି ଚିରଦିନ ପାଇଁ !!

ହେ ଯୁବା ଯୁବତୀ

ଧର୍ଯ୍ୟ ରଖି ପଥେ

କର୍ମ କର ତୁହି ନିତ୍ୟେ !

ସଫଳ ହୋଇବୁ

ଦଶରଥ ପରି

କୀର୍ତ୍ତି ରଖି ଦେବୁ ମର୍ତ୍ତ୍ୟୈ !!