ଅଶାନ୍ତ ଜଗତ କିପରି ହେବ ଶାନ୍ତ

ବିଭିନ୍ନ ଦେଶ ଦେଶ ଓ ରାଜ୍ୟ 

ରାଜ୍ୟ ମଧ୍ଯରେ

ଘମାଘୋଟ ଯୁଦ୍ଧର ଭୟାବହତା 

ଲାଗି ରହିଛିରେ ।

ଦେଖ ୟୁକ୍ରେନ ରୁଷଆ ମଧ୍ୟରେ 

ହୁଏ ରକ୍ତପାତ,

ଫଳରେ ବହୁ ନର ନାରୀ ହୁଅନ୍ତି 

ପରା ହତାହତ ।

ଖାଦ୍ୟ ଅଭାବର କେତେ କେତେ 

ମଣିଷ ମରନ୍ତି 

ବାଧ୍ୟରେ ନିଜର ମାତୃଭୂମିକୁ ଛାଡ଼ି 

ପଳାଇ ଯାଉଛନ୍ତି ।

କୋମଳମତି ଶିଶୁ ମାନେ ସେଠି 

ଅନାଥ ହୁଅନ୍ତି

ମରଣଠୁଁ ବଳି ନାନାଦି ରୋଗର 

ସଂକଟ ଭୋଗନ୍ତି ।

ମନେ ହେଜ ମଣିଷ ଆଖିରୁ ଝରଇ 

ଲୁହର ଧାର

କିପରି ଚାରି ଆଡେ ଦିଶୁ ଅଛି ଖାଲି 

ଘନ ଅନ୍ଧାର ।

ନାହିଁ ମଣିଷ ମଣିଷ ସମ୍ପର୍କରେ ସେ 

ନିବିଡ଼ ବନ୍ଧନ

ଆତୁର କାତର ହେଉଛି ଖାଲି 

ମଣିଷର ପ୍ରାଣ ।

କ୍ଷମତାଲୋଭୀ ଯେତେ ଗାଦି 

କରନ୍ତି କରାୟତ 

ନିଜ ସ୍ୱାର୍ଥ ପାଇଁ ଦେଶରେ 

ନିଆଁ ଜଳାନ୍ତି ବହୁତ ।

ତେଣୁ ଅଶାନ୍ତ ହୋଇଛି 

ଏ ସାରା ଜଗତ

ସମସ୍ତଂକ ପ୍ରଶ୍ନ ଆସେ 

କିପରି ହେବ ଶାନ୍ତ ।