ଅରୂପରେ ରୂପ ତୁମେ

ତୁମେ ଶୂନ୍ୟଦେହୀ ତୁମେ ଭାବଗ୍ରାହୀ

ତୁମେ ସ୍ୱୟଂ ପରଂବ୍ରହ୍ମ

ହୃହୟରେ ଚିନ୍ତେ ଯେ ଜନ ତୁମକୁ 

ପୂର୍ଣ୍ଣ କର ମନସ୍କାମ I

ଏ ଜୀବନ ପରା ମୋହନ ବଂଶୀ

ତୁମେ ସେ ବଂଶୀ ସ୍ୱର

ସେହିସ୍ୱରେ ଗୀତ ଗାଇଦେଲେ ପଦେ

ମନ ହୋଇଯାଏ ସ୍ଥିର I

ସୀମାହୀନ ତୁମ ବ୍ୟାପ୍ତି ମହାପ୍ରଭୁ

ଅରୂପରେ ରୂପ ତୁମେ

ତୁମ ଦରଶନେ ତୁମରି ଚିନ୍ତନେ

ମନ ଝୁମିଯାଏ ପ୍ରେମେ I

ଏ ଧରାଧାମର ଅଣୁ ପରମାଣୁ 

ସବୁଠାରେ ତୁମେ ଥାଅ

ଜନମ ମରଣ ତୁମରି ଭିଆଣ

ତୁମେ ଦିଅ ତୁମେ ନିଅ I

ତୁମେ ଇଛାକଲେ ଶୁଷ୍କ ତରୁଡାଳ

ନବ ପଲ୍ଲବରେ ଭରେ

ତୁମେ ଚାହିଁଦେଲେ ଆକାଶରୁ ମେଘ

ଝର ଝର ହୋଇ ଝରେ I

ବିଶ୍ୱାସରେ ତୁମେ ଧରାଦିଅ ପ୍ରଭୁ

ଭକ୍ତ ପାଏ ତୁମ ଦେଖା

ତୁମ ପାଦତଳେ ସମର୍ପିଲି ମୋତେ

ଲେଖ ମୋର ଭାଗ୍ୟରେଖା I