ଅର୍ଦ୍ଧାଙ୍ଗିନୀ

ସବୁ ଲାଗେ

ଅଧୁରା ଅଧୁରା

ତୁମ ବିନା

ମୋର ଶୂନ୍ୟତା

ଅବା ପୁର୍ଣ୍ଣତା ଭିତରେ

ଥାଅ ତମେ ସିନା ।

ତମ ବିନା

ସରେ ନାହିଁ କେବେ ମୋର

ଦିନ ଅବା ରାତିଟିଏ 

ମୋ ଜୀବନ ଆକାଶରେ

ତମେ ସତେ

ପୁର୍ଣ୍ଣିମାର ପରିପୂର୍ଣ୍ଣ 

ତୋଫା ଜହ୍ନଟିଏ ।

ମୋ ହୃଦୟର

ପ୍ରତି ଅନୁକୋଣ

ତମେ ସଦା

ଆଲୋକରେ ଭରୁଥାଅ

ତୁମ ଶୀତଳ ସ୍ପର୍ଶର 

ଉଛୁଳା ଆବେଗରେ 

ମୋତେ ପୁଲକିତ କରୁଥାଅ ।

ତମେ ପରା ଅର୍ଦ୍ଧାଙ୍ଗିନୀ

ଜୀବନ ସଙ୍ଗିନୀ

ତମ ବିନା 

ମୋର ଜୀବନ ସଙ୍ଗୀତ

ପାରେ ନାହିଁ ସୁର ତୋଳି

ଆଉ ତୁମେ 

ପାଖରେ ଥିଲେ ନା 

ଜୀବନର ସବୁ ଝଡ

ଯାଏ ଅତିକ୍ରମ କରି

ଚାଲିବାକୁ

ପଥ ପାଇଯାଏ ପୁଣି

ଅମା ଅନ୍ଧକାର ଏଡି ।।