ଅଫୁଟା ସମ୍ପର୍କ ----------------

ଖାଇବାର ବେଳ ନିଜର ଗଡେଇ 

ଗୋଟୋଉଥିବା ଖୋଇଦେବାରେ ଆନନ୍ଦ 

ଲୁଚେ ଯାଇ ମୁହଁ ପୋଛା ବୋଉର କାନିରେ

ଅଦିନ ମେଘରୁ ଘୋଡି ହୋଇ କାନିତଳେ

ଲୁଚି ନଲୁଚୁଥିବା ଶରୀର

ଲୁହ ସିଂଗାଣୀର ଚନ୍ଦନ ପ୍ରଲେପ

ନିଝୁମ ରାତିର ଖରାବେଳ

ଗୋଡ ସନ୍ଧିରୁ ଉଷୁମ ଟାଣୁଥିବା 

କନ୍ଥା ଘୋଡା ସେହି ଅଭୁଲା ଚିହ୍ନ

ଇତିହାସ ପୃଷ୍ଟାରୁ ଲିଭିଥିବା

ଡିବିରୀ ଆଖିର ଲୁହ

ଏବେବି ଝରେ 

ତୁମର ସେ ପ୍ରାସାଦ ଭିତରେ 

ଠେସା ହେଇ ପଡିଥିବା ଘର କଣ

ଉଣ୍ଡାଳେ ଚିହ୍ନ ପେଟର ...ପାଟିର

ଜଠଥରା ଧୁଡୁକା ଚମ

ନେଞ୍ଜରାଲଗା ଆଖି ଖୋଜେ 

ଥରା ହାତର ସେହି ମଇଳା କାନି

କାନ ଡେରେ ଫେରିଲାଣି କି ନା

ତାର ସେହି ଅଫୁଟା ସମ୍ପର୍କ

ଅଫୁଟା ସମ୍ପର୍କ