ଅନ୍‌ଲାଇନ୍ ପାଠ

ମିକୁରେ ମିକୁ

ଆ ଦେଖିବୁ

ବାପା ଆଣିଛନ୍ତି

ନୂଆ ମୋବାଇଲ୍

ଅନ୍‌ଲାଇନ୍ ପାଠ

ମୁଁ ପଢିବାକୁ |

ଚାରିମାସର କରୋନା ଦାଉ

ପାଠପଢା ଯାହା ଚୁଲିକି ଯାଉ,

ଟିଭି ଦେଖି ଦେଖି ବିରକ୍ତ ହେଲିଣି

ଏବେ ଟିକେ ଶାନ୍ତି ମିଳିବ ଆଉ |

ଘଣ୍ଟାଏ ପଢିବି ମୋବାଇଲ୍‌ରେ

ତା'ପରେ ମାତିବି ଖେଳାଖେଳିରେ,

ମୁଖପୁସ୍ତକରେ ସାଙ୍ଗସାଥି ସାଥେ

ଭାବ ବିନିମୟ ଖୁସି ମଜାରେ |

ପାଠପଢା ମୋର ବାହାନା ହେବ

ଚଳଚ୍ଚିତ୍ର ସାଥେ ଗୀତ ବାଜିବ

ଜାଣିପାରିବେନି ଘରଲୋକ ଆଉ

ମୁନି ସାଥେ ପ୍ରେମଭାବ ରହିବ |