ଜରିଗୋଟାଳିର କାହାଣୀ
ଜରିଗୋଟାଳିର କାହାଣୀ
ଭାଗ୍ୟକୁ ମୋହର ନିନ୍ଦିବା ଶକତି କାହୁଁରେ ଆସିବ ଭାଇ
କରମ ମୋହର ନିଜ ଭାଗ୍ୟଫଳ ତା ସାଥେ ଚାଲଇ ମୁହିଁ ।
ଜରି ଗୋଟାଳି ମୁଁ ଗାଆଁ ଦାଣ୍ଡ ବୁଲି ଗୋଟାଏ ପତିତା ଜରି
ସମାଜ ଆଖିରେ ଘୃଣ୍ୟ ନିଚ ମୁହିଁ ତଥାପି ଯାଇନି ହାରି ।
ଗରୀବ ବୋଲିକି ଘରଘର ବୁଲି ଭିକତ ମାଗଇ ନାହିଁ
କରମ ମୋହର ନିଜ ଭାଗ୍ୟଫଳ ତା ସାଥେ ଚାଲଇ ମୁହିଁ ।
ସ୍ୱାଭିମାନ ମୋର ମଣିଷ ପଣିଆ ଦେଇନିତ କେବେ ମାରି
ନାଳ ନର୍ଦ୍ଦମାରେ ଅଳିଆ ଗଦାରେ ଦେଖିଛି ଭାଗ୍ୟର ଶିରୀ ।
କିଏ କହୁଥାଉ ଦରିଦ୍ର ଭିକାରୀ ନ ରଖେ ତାର ହିସାବ
ନିଜ ଅରଜନେ ଯେତିକି କମାଏ ମୋପାଇଁ ସ୍ୱର୍ଗ ବୈଭବ ।
ଜନମ କାଳରୁ ଦେଖିନିତ କେବେ ମାଆ ବାପା ସ୍ନେହ ଛାଇ
ଭାଗ୍ୟକୁ ମୋହର ନିନ୍ଦିବା ଶକତି କାହୁଁରେ ଆସିବ ଭାଇ ।
ତଥାପି ଦେଖୁଛି ନୂଆ ଆଶା ସ୍ୱପ୍ନ ତା ପାଇଁ କରଇ ଯୁଦ୍ଧ
ଦେଖିବ ଦୁନିଆ ଜରିଗୋଟାଳିର ଇତିହାସ ହେବ ବଧ ।