ଅପାସୋରା ସ୍ୱପ୍ନ

ମନେ ପଡେ ଆଜି ପିଲାଦିନ ଭାରି

ଗାଆଁ ତୋଟାମାଳ କଥା

ବଇଶାଖ ତାତି

ନଦୀହୁଡା ସାଥି

ସ୍ୱପ୍ନସବୁ ସ୍ମୃତିର କବର ତଳେ

ଲୁକାୟିତ ଅତୀତ ବକ୍ଷରେ

ଖୋଜିବୁଲେ ପାଇବା ଆଶାରେ

ହେଲେ ଦେବକି ଆଉ ସେ ଦେଖା?

ପାଉଁଶ ତଳର ନିଆଁ ଭଳି

କୁହୁଁଳୁଛି ମୋ ସ୍ମୃତି ଚିତା

ଶୀତଳତା ଭରିବାକୁ କିନ୍ତୁ

ନା ଅଛି ସୁନେଲି  ଭବିଷ୍ୟ

ନା ଅଛି ବର୍ତ୍ତମାନ

ନା ଅଛି ସ୍ୱପ୍ନର ନାୟିକା |

ଜରାଜୀର୍ଣ୍ଣ ହୃଦୟର ଘର

ନାହିଁ ତାର ଚାଳ ବା ଛପର

ଅତୀତର ଦରଗଢା ସ୍ୱପ୍ନସବୁ

ସୂର୍ଯ୍ୟସମ ତେଜିୟାନ

ସହି ହେଉନାହିଁ ଖରାର ପ୍ରକୋପ

ଶୁଖିଲାଣି ସଞ୍ଚିଥିବା

ହସ ଆଉ ଖୁସିର ସାଗର |