ଅନେକ କିଛି ଶିଖିବାର ଅଛି
ଅନେକ କିଛି ଶିଖିବାର ଅଛି
ଅନେକ କିଛି ଶିଖିବାର ଅଛି
ଯାହା ସମାଜର ସାମାଜିକତାରୁ ନୁହଁ
ପ୍ରକୃତିର ବସ୍ତବତାରେ ନିହିତ ଥିବା ଗୁଣ ।
ଦିନ ଦିନ ଧରି ପରୋଉପକାରେ
ଅବିଶ୍ରାନ୍ତ ଭାବେ ବୋହିଚାଲିଥିବା
ନଦୀ ଠାରୁ ସେବା ଓ ଉଦାର ପଣ।
ବିଶାଳ ହୃଦୟରେ ଅନେକ ପକ୍ଷୀଙ୍କୁ
ଜାଗା ଦେଇଥିବା ଗଛ ଠାରୁ
ଦୟା, ବିନୟ
ଧର୍ଯ୍ୟ ଓ ଦାମ୍ଭିକତାର ଉଦାହରଣ ।
ଯାହା ସମାଜର
ସାମାଜିକତାରେ ଦେଖିବା ସପନ
ନିର୍ଦୟା, ନିଷ୍ଠୁରତା ଯେଉଁଠି ପହଣ ପହଣ ।
ଶିଖିବାର ଅଛି
ପକ୍ଷୀମାନଙ୍କ ଉନ୍ମୁକ୍ତ ଉଡାଣ
ସାହସ, ମନୋବଳ
କାଠି କୁଟାକୁ ଏକ କରି
ନିଜ ପାଇଁ ନିଜେ ନିଡଟିଏ ଗଢିବାର କୌଶଳ ।
ଦିନ ତମାମ ଖାଦ୍ୟ ଅନ୍ୱେଷଣେ
ଘୁରି ବୁଲୁଥିବା କୀଟ ପତଙ୍ଗ ଠାରୁ
କଠିନ ପରିଶ୍ରମର ଫଳ
ସହଜ କରୁଥିବା ଜୀବନ ଜଜାଳ ।
ସବୁଠୁ ନିଜର ଅତି ଆପଣାର
ମାଟି ମା କୋଳ
ପେଟ ପୋଷେ କାହାର
ତରୁଲତା ଫୁଲ ଫଳ ।
ରବି ଶଶି ତାରାଙ୍କ ମେଳ
ଦିଅନ୍ତି ଉଜ୍ଜ୍ୱଳ ଦିବାନିଶି ଅବିରଳ ।
ଯେଉଁଠି ପ୍ରକୃତି ଅବିରତ ଚଳଚଞ୍ଚଳ
ତାହା ସମାଜର
ସାମାଜିକତାରେ ନିହାତି ଦୁର୍ବଳ
ଏବେ ଶିଖି ଶିଖେଇବାର ବେଳ ।
ନିଜ ପାଇଁ ନିଜେ କର
ଅନ୍ୟ ପାଇଁ ନିଜେ ସୁବିଚାର
ନିଜ ପାଖେ ଥିବା ଗୁଣ
ନିଜ ପାଇଁ କର ନିପୁଣ
ଦେଖିବ ସମାଜ, ସାମାଜିକତାରେ ଯିବ ଭରିଣ
ଯେଉଁଠି ନଥିବ
ଦୁଃଖ, କଷ୍ଟ, ଯନ୍ତ୍ରଣା ନାନାଦି କାରଣ ।