ଅନ୍ଧବିଶ୍ୱାସ

ମୋ ବାମ ଆଖିପତାରେ

ଥିବା କଳାଜାଇ କାଳେ ମୋ ଜୀବନର ବଡ଼ କଳଙ୍କ

ସେଦିନ ସନ୍ଧ୍ୟାରେ

ଆମ ଗାଁ ପଣ୍ଡିତ ବୁଢ଼ା କହୁଥିଲା

ଇଏ କୁଆଡ଼େ ମହାବିପଦର ସଙ୍କେତ

ଏମିତି ଚିହ୍ନ କାଳେ

କୋଟିଏରୁ ଗୋଟିଏ ଦେଖିବାକୁ ମିଳନ୍ତି

ତା ମତରେ

ମୁଁ କାଳେ ପୁରାପୁରି ମୂର୍ଖ ବାଳୁଙ୍ଗାଟିଏ ହେବି

ପାଠସାଠ ଜମାରୁ ପଢ଼ିବିନି

ବେଇମାନି ହେବି

ଶୁଣିବିନି କାହା କଥା

କି

ମାନିବିଵି କାହା ଉପଦେଶ

ହେଲେ

ମୋତେ ତ ପଢ଼ିବାକୁ ବେଶ ଭଲଲାଗେ

ଆଉ

ଆମ ସାର ଵି ମୋତେ ଭଲପିଲା ବୋଲି

କେତେ ସେନେହ ଆଦର କରନ୍ତି

ସେ ତ କୁହନ୍ତି

ମୁଁ ବଡ଼ ହେଲେ ବଡ଼ ମଣିଷଟିଏ ହେବି

ଆଉ

ଆମ ଗାଁ ଘୁମୁଡ଼ୁ ଅଜାର ପୁଅ

ନଟିଆ ବାମ ଆଖିରେ ଵି ତ

ଗୋଟେ ବଡ଼ କଳାଜାଇ ଅଛି

ହେଲେ ସେ ତ ପୁଣି

ଆମେରିକାରେ ଯାଇ ଡାକ୍ତର ହେଲାଣି !