ଅନ୍ଧାର

ଅନ୍ଧାର ପଣତରେ ଭୟର ବସା

ସଁବାଳୁଆ ହେବାକୁ ପ୍ରଜାପତି

ଖୋଜୁଥାଏ ସ୍ବପ୍ନରୁ ବାସ୍ତବତା

ଅନ୍ଧାରୀ ମୂଲକରେ ଡର ଲୋକହସା

ନିଶା ଓ ପେଶା ଭିତରେ କାହା ଖୋଷା

ଚକମକ ପଣତରେ ଛଟା ଓ ଛିଟା

ମଖମଲ୍ଲୀ ଭାବନାରେ ବୁଢ଼ୀଆଣୀ ଜାଲ

ମଶା ମାଛି ମୂଷାଙ୍କ ରାଜୁତି ଗୁଡ଼ୁମ ଅକଲ

ଚନ୍ଦ୍ରମା ହଜିଯାଆନା ନୀଳ ଆକାଶ ବୁକୁରେ

ନା ଜୁଆର ନା ଭଟ୍ଟା ସମୁଦ୍ରରେ

ପ୍ରେମିକା ପ୍ରେମିକକୁ ଝୁରିମରେ

ଅବା ପ୍ରେମିକ ପଳାୟନପନ୍ଥୀ

ଏ ଅନ୍ଧାର ସୁଯୋଗରେ

ଅନ୍ଧାର ହେଲେ ଜୁଳୁଜୁଳିଆ ହାତଠାରେ

କେବେ କୋଉ ସାହିତ୍ୟ ମନସ୍କରେ

ମୁଁ ବିଭୋରେ ଅନ୍ଧାର ରହସ୍ୟ ଭେଦି

କବିତା ଲେଖିବାରେ

ସମୁଦ୍ରରେ ନହେଲେ ନାହିଁ ମନ ଜୁଆରରେ

ଭଟ୍ଟା ପଡିବାରେ ଅନ୍ଧାର ସୁଯୋଗରେ

ଚନ୍ଦ୍ରମାକୁ ଖୋଜୁଥାଏ କବି ଆଖି

ସଜ୍ଜଳ କଜ୍ଜ୍ୱଳଧାରେ

ଆଖିପତା ଓ କଜ୍ଜ୍ୱଳ ମିଶି ବିକ୍ଷିପ୍ତ ଅନ୍ଧାର।