ଅମୃତମୟ

ହେ ଅମୃତମୟ ପ୍ରାଣର ପ୍ରଣୟ

   ବିଶ୍ଵ ର ପ୍ରେରଣା ଦାୟ

ତବ ଆଶିଷ ରେ ସମଗ୍ର ଜଗତ

    ପ୍ରେମ ରେ ଆବେଗ ମୟ ।

 ଚାରିଆଡେ ଆଜି ବିଷର ବଳୟ

   ମୁକୁଳି ପାରୁନି ମୁହିଁ

ଭୋକିଲା ପେଟରେ ଭରି ଦିଅ ପ୍ରଭୁ

   ଥାଳ ପତାଇଛି ମୁହିଁ ।

ସକଳ ଘଟରେ ରହି ଅଛ ପ୍ରଭୁ

  ଜୀବନ ସଲିତା ଜାଳି

ଅନ୍ଧକାର ରୂପୀ କୁପରୁ ଉଦ୍ଧାରି

  ବିସ୍ତାର ହେ ବାହୁ ବଳୀ ।

ହିସାବ କିତାଵ ତୁମରି ହାତରେ

   ଜୀବନକୁ ତୋଳି ଧର

କି ଦେଇ ପୂଜିବି ତୁମକୁ ହେ ପ୍ରଭୁ

   ସବୁ ତୁମ ସୃଷ୍ଟି ବର ।

ଅମୃତର ସ୍ରୋତ ହେ ଅମୃତ ମୟ

  କୋଟି ଭକ୍ତଙ୍କ ଈଶ୍ୱର

ଶ୍ରୀ ଛନ୍ଦା ଚରଣ କରେ ନିବେଦନ

   ସଦା ବନ୍ଦୁଛି ପୟର ।