ଅମୃତ ମହୋତ୍ସବ

ସ୍ବାଧିନତାକୁ ଯେ    ପଞ୍ଚସ୍ତୁରୀ ବର୍ଷ

    ପୁରଣ ହୋଇବ ଆଜି

ଭାରତ ବଢୁଛି   ବିକାଶ କ୍ଷେତ୍ରରେ

    ଜିତୁଛି ସବୁ ଯେ ବାଜି ।

ଅମୃତ ମହୋତ୍ସବ  ପାଳୁଛି ଭାରତ

   ପଲ୍ଲୀ ଠାରୁ ଦିଲ୍ଲୀ ଯାଏ

ଘରେ ଘରେ ଆଜି ଉଡୁଛି ତ୍ରିରଙ୍ଗା

    ବୀରତ୍ବର କଥା କହେ ।

ନୂତନ ଭାରତ   ର୍ନିମାଣ କ୍ଷେତ୍ରରେ

     ଆଜି ଏଇ ସାଜସଜ୍ଜା 

ଦେଖି ଥରି ଉଠେ ଶତ୍ରୁର ଯେ ଛାତି

     ଶୁଣି ବୀରତ୍ବର ବାଜା ।

ଦେଖୁଛି ଯେ ବିଶ୍ବ  ଦେଖୁଛି ଜଗତ

    ଭାରତର ଆଜି ଶକ୍ତି

ଆକାଶକୁ ଚିରି   ଚନ୍ଦ୍ର ମଣ୍ତଳରେ

    ସାରିଲାଣି ପାଦ ଥାପି ।

ତିନିଶ ସତୁରି ଧାରାଟା ଯେ ଆଜି

    ଗଲା ସମ୍ବିଧାନୁ ହଟି

ସ୍ବାଧିନତାର ଯେ   ସ୍ବାଦ ଚାଖିଛନ୍ତି

   ସାରା କାଶିମିରୀ ବାସୀ ।

ଏକତା ରଜୁରେ  ଦେଖି ଭାରତକୁ

     ଶତ୍ରୁ ଯେ ଭୟରେ ଥରେ

ଦିଲ୍ଲୀ ଠାରୁ ପଲ୍ଲୀ  ଉଡୁଛି ତ୍ରିରଙ୍ଗା

    ଆଜି ପ୍ରତି ଘରେ ଘରେ ।