ଅମୃତ ଲଭିବା ଜୀବନେ
ଅମୃତ ଲଭିବା ଜୀବନେ
କିଏ ପର କିଏ ଆପଣା
ସଭିଙ୍କର ଏକ ଠିକଣା ,
ବୃଥା ଜାତି ଧର୍ମ ଭାବନା
ବିଚିତ୍ର ଏ, ଭାବ ଧାରଣା ।
ଗୋଟିଏ ଶକତି ଈଶ୍ୱର
ସର୍ବମୟ କର୍ତ୍ତା ବିଶ୍ଵର ,
ମଣିଷ ଶରୀର ନଶ୍ୱର
ଦାସ ପରା ଆମେ ପ୍ରଭୁର।
ଲୋଡ଼ା ନାହିଁ ବଳ କ୍ଷମତା
ଦେଖାଣିଆ ଶକ୍ତି ଦକ୍ଷତା ,
ଭେଦ ଭାବ ପୂର୍ଣ୍ଣ ଯୋଗ୍ୟତା
ତୁଟାଇ ବାଣ୍ଟିବା ମମତା।
ଈଶ୍ବର ହିଁ ବଡ଼ ଦେବତା
ମନେ ଭରି ଆମେ ଏକତା,
ସରଗ ସୁନ୍ଦର ସମତା
ସର୍ବେ ମନେ ରଖି ଏ ,ଚିନ୍ତା।
ମୁଖେ ଭରି ହସ ଝଲକ
ଚେନାଏ ଖୁସିର ପୁଲକ ,
ଭେଦ ଭାବ ଭୁଲି ଅନେକ
ଜାଳିବା ନୂତନ ଆଲୋକ ।
ଈଶ୍ବରଙ୍କ ସୃଷ୍ଟି ସଭିଏଁ
ଏକ ଆମେ ଦୁଇ ତ, ନୁହେଁ ,
ଭାବନା ଆଣିବା ଏ, ମନେ
ଅମୃତ ଲଭିବା ଜୀବନେ ।