ଅମାବାସ୍ୟାର ଚନ୍ଦ୍ର

ଯେବେ ଆଲୁଅ ଖେଳେ ଲୁଚକାଳି

ଅନ୍ଧାର ପାଲଟେ ଗଳାମାଳି

ବାରେ ଅନ୍ଧାରକୁ କୋଳାଗ୍ରତ କରି

ଶୁଦ୍ଧାନ୍ତକରଣରେ ନେଲେ ଆଦରି

ଅମାବାସ୍ୟା ବି ଲାଗଇ ପୂର୍ଣ୍ଣିମା ପରି!! 

ସଭିଙ୍କ ଭାଗ୍ୟାକାଶେ ଯେ ଉଇଁବ

ଚାନ୍ଦ ବହଳ ଅନ୍ଧକାର ବକ୍ଷ ଚିରି

ତାହାର ନିର୍ଦ୍ଦିଷ୍ଟତା ନିୟତି ବି ନଜାଣଇ

ଅନ୍ଧାର ସହିତ ଜୀଇଁବାରେ ହିଁ ବୁଦ୍ଧିମତ୍ତା

ଆଲୁଅର ବୃଥା ଅପେକ୍ଷା ନ କରି!! 

ଆଲୁଅ ଅନ୍ଧାର ଜୀବନ ନଦୀର

ଦୁଇ ବିପରୀତ ସମାନ୍ତରାଳ ଧାରା

ଏକ ବିନା ଆରଟି ଲାଗେ ଅଧୁରା

ବିଧି ଯେ ରଚିଛି କୃଷ୍ଣ ଶୁକ୍ଳପକ୍ଷ

ଯହିଁ ହେତୁ ହସେ ଏଇ ଧରା!!