ଲାଇବ୍ରେରୀ
ପ୍ରୋଫାଇଲ୍
ଅଲୋଡ଼ା
ଅଲୋଡ଼ା
1 min
255
ଦୁନିଆ ଦାଣ୍ଡରେ ଏକାକୀ ଚାଲୁଛି
ସମ୍ପର୍କର ଭିଡ଼ ଠେଲି
ସପନ ଦରିଆ ପହଁରି ଚାଲୁଛି
ପର ଆପଣାକୁ ଭୁଲି,
ଜୀବନ ସାରଣୀ ଲୁଚି ଲୁଚି ଯାଏ
ବହଳ ଅନ୍ଧାର କୋଳେ
ଲେଉଟା ସପନ ଆଉଟା ହୃଦୟେ
ସ୍ମୃତିର ଆହୂତି ଜାଳେ,
ତୁଠ ଶିଳା ସାଜି ଅଲୋଡ଼ା ଘାଟରେ
ଅଭିମାନେ ପଡ଼େ ଶୋଇ
ବିଶ୍ୱାସର ବନ୍ଧ ଭୁଶୁଡ଼ିବା ପରେ
ଲୁହର ଯମୁନା ନଈ,
କୁହୁଳା ଛାତିରେ ଲାଗିଗଲେ ନିଆଁ
କିଏବା ପାରଇ ଛୁଇଁ
ମନ ଆଇନାଟା ଭାଙ୍ଗିଗଲେ ଥରେ
ଅଲୋଡ଼ା ସଭିଙ୍କ ପାଇଁ,
