ଅଳସୀ କନ୍ୟା

ଷୋହଳ ବୟସୀ ଅନୁଢ଼ା କିଶୋରୀ 

ସପନେ ଅଳସୀ କନ୍ୟା 

ସର୍ବାଙ୍ଗ ଶରୀରେ ଅପୂର୍ବ ସମ୍ଭାର 

ଭାବରେ ପୀରତି ବନ୍ୟା l

ଆଖି କଥା କହେ ଓଠ ଗୀତ ଗାଏ 

ସ୍ମିତହାସ୍ୟ ଥାଏ ମୁଖେ 

ବୟସ ବସନ୍ତ ଉଛୁଳା ଯୌବନେ 

ପଦ୍ମଫୁଲ କିଏ ଦେଖେ l

ମନର ମାନସୀ ହେ ଗଜ ଗାମିନୀ 

ଦେହେ ପ୍ରେମ ରଙ୍ଗ ନେସି 

ମନ ଫୁଲ ବନେ ମହକ ଛୁଟାଇ

ମନେ ପଡୁଅଛ ବେଶି l

ଅମାନିଆ ମନ ଜମା ବୁଝେନାହିଁ 

ଭାବନା ସ୍ରୋତରେ ବୁଡ଼ି

ସପନର ଢେଉ ହୃଦେ ଉଙ୍କି ମାରେ 

ତୁମ ପ୍ରେମ ଫାଶେ ପଡ଼ି l

ଅଣ୍ଟା ଭଙ୍ଗା ତୁମ ନର୍ତ୍ତକୀର ଛନ୍ଦ 

ନେଉ ଥାଏ ମନ କିଣି 

କପାଳର ବିନ୍ଦି ଆନମନା କରେ 

କୋଟି କନ୍ଦର୍ପକୁ ଜିଣି l