ଅଲେଖା ପ୍ରେମ କାହାଣୀ
ଅଲେଖା ପ୍ରେମ କାହାଣୀ
ନଈରେ ନଈଏ କାଚକେନ୍ଦୁ ପାଣି
ଆଖିରେ ଆଖିଏ ଲୁହ
ଯାତ୍ରାପଥରେ ଏତେ ଖାଲ ଖମା
କେଉଁଠୁ ଆସିଲା କୁହ I
ପଳାସ ଦିଶୁଛି ନାଲି ଟହ ଟହ
ମହକ ଟିକିଏ ନାହିଁ
ରାଜଜେମା କାନ୍ଦେ ଗୁମୁରି ଗୁମୁରି
ସୁନାଚାନ୍ଦଟିଏ ପାଇଁ I
ତୋଫା ତୋଫା ଦିଶେ ପୁନେଇଁର ଜହ୍ନ
ଜୋଛନା ଦେଉଛି ଢାଳି
ଜହ୍ନ ଆଲୁଅରେ ମାଳ ମାଳ ହୋଇ
ଦାଦଲ କରନ୍ତି ମେଳି I
ଦେହ ଜାଳିଦିଏ ଖରାର ଡହକ
ବରଷା ଖୋଜୁଛି ମାଟି
ସବୁଦେଖି କିଛି କହି ପାରୁନାହିଁ
ଭଗ୍ନ କୋଣାର୍କ ନଟୀ I
ମାଟିର ମମତା ପ୍ରୀତିର କବିତା
ସବୁଠାରେ ତୁମେ ଥାଅ
ମନ ବଗିଚାରେ ଫୁଲଟିଏ ହୋଇ
ମହକ ବିତରୁ ଥାଅ I
ତୁମପାଇଁ ସଖୀ ସରସ ସୁନ୍ଦର
ବର୍ଷା ଅବା ଶୀତରାତି
ତୁମେ ମୋ ପ୍ରେମର ଅଲେଖା କାହାଣୀ
ପ୍ରଣୟର ଶେଷ ଗୀତି I