ଅହିଂସାର ସନ୍ଥ

ଆଜିର ଏହି ଜଡବାଦୀ ହିଂସ୍ର ଦୁନିଆରେ

ସୁଖ ପଛେ ଧାଇଁ ନର ସଢୁଛି ଦୁଃଖରେ||

ନିଜ ସୁଖପାଇଁ ସିଏ ଆଚରେ ଯେ ହିଂସା

ହିଂସା ହୋଇଣ ସବାର ବୁଡାଉଛି ହଂସା||

ନିଜକୁ ଗଢିବା ପାଇଁ ଏ ଦୁନିଆର ସର୍ବୋଚ୍ଚ

ଅନ୍ୟ ଦେହେ ରୋଗ ଭରି କରେତାକୁ ନିଚ୍ଚ||

ଆଜିର ଏ ସନ୍ଦିକ୍ଷଣେ ଗାନ୍ଧିଜୀଙ୍କ କଥା

ମନେ ପଡେ ତାଙ୍କର ସେ ଅହିଂସାର ଗାଥା||

କେହି ଭାବିପାରିବନି ରକ୍ତ ମାଂସର ମଣିଷ

ହୋଇପାରେ ଏତେ ଧୈର୍ଯ୍ୟବାନ ଶାନ୍ତକାନ୍ତ ଅହିଂସ||

ଗାନ୍ଧିଜୀ କହିଲେ ଜଣେ ରକ୍ତ ମାଂସ ଧାରୀ ନର

ଗାନ୍ଧୀ କହିଲେ  ବୁଝାଏ ଏକ ନୂଆ ଦର୍ଶନର||

 

କେହି କ'ଣ କେବେ ହେଲେ ସ୍ବପ୍ନେ ଚିନ୍ତା କରିପାରେ

ପ୍ରବଳ ପରାକ୍ରମୀ ବ୍ରିଟିଶଠାରୁ  ମିଳିପାରେ!

ଗାନ୍ଧିଜୀ କିନ୍ତୁ ପୂର୍ଣ୍ଣଛେଦ ଟାଣିଥିଲେ ଏ କଥାରେ

ସ୍ବାଧୀନତା ଆଣି ବିନା ଖଡ୍ଗ ବିନା ଢାଲରେ  ||

ସାବରମତୀର ଅହିଂସାର ସନ୍ଥ ଏ ଜାତିର ପିତା

ପ୍ରତିଷ୍ଠା କରିଛନ୍ତି ସତ୍ୟ ଶାନ୍ତି ଅହିଂସା ସଂହିତା ||

ଭଗବତ୍ ଗୀତା ବାଇବେଲ ନିଉ ଟେଷ୍ଚାମେଣ୍ଟରେ

ସବୁଠି ବର୍ଣ୍ଣିତ ହିଂସାର କାରଣ ନିବାରଣ ବିଷୟରେ||

ଗୀତା କହେ 'ବିଷୟ'ର ଚିନ୍ତନରୁ 'ସଙ୍ଗ' ଜନ୍ମିଥାଏ

'ସଙ୍ଗ'ରୁ 'କାମନା' ପୁଣି 'କାମନା'ରୁ 'କ୍ରୋଧ' ଜାତ ହୁଏ|

'କ୍ରୋଧ'ରୁ 'ସମ୍ମୋହ' ପୁଣି 'ସମ୍ମୋହ'ରୁ 'ସ୍ମୃତିଭ୍ରମ' ହୁଏ

'ସ୍ମୃତିଭ୍ରମ'ରୁ 'ବୁଦ୍ଧିନାଶ' ପୁଣି ବୁଦ୍ଧିନାଶରୁ ମଣିଷର ନାଶ ହୁଏ||

କେହି ଜଣେ ଯଦି ଲୁଗା ମାଗଇ କୁରୁତାବି ଦେଇଦିଅ

ବାମ ଗାଲେ କେହି ଚାପୁଡା ମାରିଲେ ଡାହାଣ ଦେଖେଇଦିଅ||

କ୍ରୋଧକୁ କ୍ରୋଧରେ ଜିଣି ହୁଏ ନାହିଁ ଶାନ୍ତି ବଳେ ଜିଣିହୁଏ

ହିଂସାକୁ ଜିଣିବା ଦରକାର ହେଲେ ଅହିଂସ ହେବାକୁ ହୁଏ||

ସତ୍ୟ ନୁହଇ ପରମାଣୁ ବୋମାଠୁ ତିଳେ କମ୍ କେଉଁ ଗୁଣରେ

ସତ୍ୟର ସାମନା କରିବା ଶକତି ନାହିଁ ଏ ବିଶ୍ବ ମଣ୍ଡଳେ ନାହିଁ||

ଏହି ନୀତି ଅଟେ ଗାନ୍ଧୀବାଦର ସତ୍ୟ ଅହିଂସାର ମନ୍ତ୍ର

ସାରା ପୃଥିବୀରେ ଶାନ୍ତି ପ୍ରତିଷ୍ଠାର ଏହା ଅଟେ ମୂଳ ମନ୍ତ୍ର ||