ଅଗ୍ରପୂଜ୍ୟ ହେଇଗଲୁ

ଗଜାନନ ଦିନେ ମାତା ଙ୍କୁ ପୁଛନ୍ତି

ମୁଁ ଅଗ୍ରପୂଜ୍ୟ କାହିଁକି

କୋଟି କୋଟି ଦେବା ଦେବୀ ଥାଉ ଥାଉ

ଏହା ଅନ୍ୟାୟ ନୁହେଁକି, ।

ପିତା ରହିଛନ୍ତୁ ମାତା ରହିଛନ୍ତି

ବ୍ରହ୍ମା ବିଷ୍ଣୁ ପୁଣି ଅଛନ୍ତି

ମୋହଠାରୁ ବଡ଼ ଶକ୍ତି ବି ଅଛନ୍ତି

ଅଗ୍ରପୂଜ୍ୟ କିଆଁ ନୁହଁନ୍ତି, ।

ମାଆ,,ବୁଝାଇ କୁହନ୍ତି,

ଜନ୍ମ ବୃତାନ୍ତ କୁ ମାଆ ବୁଝାଇଲେ 

ଅତୀତର ସବୁ କଥା

କହିଲେ ତୋ ପିତା ଯୁଦ୍ଧରେ ହାରି

କାଟି ଦେଲେ ତୋର ମଥା ।

ଯେବେ ଜାଣିଦେଲେ ତୁ ପୁଅ ବୋଲି

ଗଜ ମୁଣ୍ଡ କାଟି ଆଣିଲେ

ତୋ ଶରୀର ରେ ସ୍ଥାପନ କରିଣ

ବ୍ରହ୍ମା ଜୀବନ୍ୟାସ ଅର୍ପିଲେ ।

ବିଷ୍ଣୁ ଙ୍କ ସ୍ପର୍ଶରେ ଜୀବନ ପାଇଲୁ

ଫେରି ଆସିଲୁ ମୋ କୋଳରେ

ବ୍ରହ୍ମା ବିଷ୍ଣୁ ମହେଶ୍ବର ଙ୍କ ବର ବଳେ

ଅଗ୍ରଜ ହୋଇଲୁ ସଂସାରେ ।

ସଂସାରରେ ଅଛି ଯେତେ ଯେତେ ଜ୍ଞାନ 

ସବୁଜ୍ଞାନ ତୁ ପାଇଲୁ

ଜ୍ଞାନର ଭଣ୍ଡାର ତୋ ପାଖେ ରହିଲା

ଅଗ୍ରପୂଜା ହୋଇଗଲୁ ।