🌹ଅଦିନ ଶ୍ରାବଣ 🌹

ପ୍ରେମର ପୂରବୀ ଝଙ୍କାର ଗାନେ

ଝରାଏ ଶ୍ରାବଣ ପାଣି l

ନିଃ ସଙ୍ଗ ଜୀବନେ ଲୁହର ଶ୍ରାବଣ

ଝରେ ନୟନୁ ଉଜାଣି l

ଆଜି ପ୍ରିୟା ତୁମେ କା ପ୍ରେମ ଶ୍ରାବଣେ

ଭିଜୁଅଛ ଆନନ୍ଦରେ l

ଶ୍ରାବଣ ର ମେଘ ମୋ ପାଇଁ ଯନ୍ତ୍ରଣା

ମନେ ଭୟ ଜାତ କରେ l

ଝିପି ଝିପି ବର୍ଷା ଟପ ଟପ ପାଣି

ଶ୍ରାବଣର ମାୟା ଜାଲ l

ଚଂଚଳା ଚମକ ଦିଶେ ତୁମ ମୁଖ

ମନକୁ ଉଦ୍ ବେଗ କଲ l

ଆନକ ଶବଦ ନୁପୁର ପରାୟ

ଶୁଭେ ବାତାୟନ ପାଶ l

ଶ୍ରାବଣ ରଜନୀ ମୋ ପାଇଁ ସ୍ବପନ

ଲଭିବାରେ ତୁମ ସ୍ପର୍ଶ l

ଝୁରି ମୁଁ ହୁଅଇ ଶ୍ରାବଣ ରଜନୀ

ପ୍ରେମରେ ଭିଜିବି ସାଥେ l

ନିଝୁମ ବରଷା ଅନ୍ଧକାର ନିଶା

ଭୟ ଜାତ କରେ ଚିତ୍ତେ l

ଫେରିବନି ତୁମେ ଜାଣି ପ୍ରିୟତ୍ତମା

ପୁଣି କାହିଁ ହୁଏ ଝୁରି l

ସତେକି ଆସିଛ ମୋର ଦ୍ୱାର ଦେଶେ

ଅଦିନ ଶ୍ରାବଣ ପରି l