ଅଧୁରା ପଂକ୍ତିର ଅଭିପ୍ରାୟ
ଅଧୁରା ପଂକ୍ତିର ଅଭିପ୍ରାୟ
ଦେଖାଇବାକୁ କେହି ଜଣେ ହୃଦୟହିନାକୁ,
ଦେଇଥିବା ଯନ୍ତ୍ରଣା ସବୁକୁ ବିରହରେ.
ଆଉ କିଛି ଦେଖାଇଥିବା ଅଧୁରା ସ୍ଵପ୍ନକୁ,
ଚୁନା ଚୁନା ତାରାଫୁଲ ଭରା ଜୋଛନା ଅଗଣାରେ.
ମୁଁ ଜାଣେ ଏ କେବେବି ହୋଇ ପାରିବନି ଶିରୋନାମା,
କେଉଁ ନାମୀ ଦାମୀ ଖବର କାଗଜ ପୃଷ୍ଠରେ.
ତଥାପି ଦେଖିବ କାଳେ ମୋତେ କେବେ ଦିନେ ସେହି,
ଏଣେ ତେଣେ ପଡିଥିବା ଅଳିଆ କାଗଜ ଭାବରେ.
ଏ ପଂକ୍ତିର ଇଛା ନାହିଁ ଆଉ ଆଗଭଳି ଦେଖାଇବାକୁ,
ଗୋଲାପୀ ଗୋଲାପୀ ସ୍ୟାହିର କଳା କୃତିରେ.
ଦେଖିସାରିଛି ଏ ଢେର ସାରା କଳା ଧଳା ନାଟକ,
ପ୍ରିୟାର ବିଶ୍ୱାସ ଅବିଶ୍ୱାସ ଭରା ଜୀବନ ରଙ୍ଗ ମଞ୍ଚରେ.
ବହୁବାର ଉତରା ପବନ ଆସି ଲେଉଟାଇଛି ପୃଷ୍ଠାକୁ,
ହେଲେ ଭରିପାରିନି ଧୂଳି ଧୂଳା ବାକିତକ ସାଧା ବକ୍ଷରେ.
ସେଥି ଲାଗି ପରା ଏ ଆଜି ପୁଣି ଉଦ୍ୟତ,
ଦେଖାଇବାକୁ ଦରଦ ପ୍ରେୟସିକୁ ଅନେକ ଦିନର ବ୍ୟବଧାନରେ.