ଅଧୁରା କାହାଣୀ

କିଛି ରହିଗଲା କାହାଣୀ ମନ

ଅଧୁରା ସପନ ହୋଇ,

କିଛି କାହାଣୀର ଚିତ୍ର କଳ୍ପ ଆଜି

ଗଲାଣି ଲୁହରେ ଧୋଇ ।

ସମୟ ସୁଅରେ ଜୀବନର ରଙ୍ଗ

ଦିଶିଲାଣି ଧୀରେ ଫିକା,

କିଛି ସ୍ମୃତି ଆଉ ପ୍ରୀତିର ପାଖୁଡା

ହୃଦୟରେ ଆଜି ଲେଖା ।

ଜୀବନଟା ଗୋଟେ ବଉଦର ଛାଇ

ଏବେ ଅଛି ଏବେ ନାହିଁ,

ଯେମିତି ଯୌବନ ଫୁଲର ପାଖୁଡା

ଅଳିକ ସମୟ ପାଇଁ ।

ସମୟ ମଞ୍ଚରେ ମଞ୍ଚସ୍ତ ନାଟକ

ହିଂସା ର ଗଣିତ ବହି,

ସେ ବହିର ଯେତେ ଅଡ଼ୁଆ ହିସାବ

କିଏବା ପାରିଛି ସହି ।

କିଛି କିଛି ସ୍ମୃତି ସପନରେ ଆସେ

ଆଉ କିଛି ଥାଏ ହଜି ,

ହଜିଲା ସ୍ମୃତିକୁ ଖୋଜୁ ଖୋଜୁ ଏଠି

ସପନ ଟା ଯାଏ ଭାଜି ।