ଅବୁଝା ରାଜାକୁ ପାଳବିଣ୍ଡା ମନ୍ତ୍ରୀ
ଅବୁଝା ରାଜାକୁ ପାଳବିଣ୍ଡା ମନ୍ତ୍ରୀ
ସିସିଲି ଦ୍ବୀପରେ ନଗ୍ର ନାମ ସିରାକ୍ୟୁଜ l
ହିରୋ ବୋଲି ରାଜା ତହିଁ କରୁଥିଲେ ରାଜ ll
ଅବୁଝା ରାଜା ସେ ଦିନେ କଲେ ଏକ କୁଟ l
ବଣିଆଁ ଡାକି ଗଢ଼ିଲେ ଗୋଟିଏ ମୁକୁଟ ll
ଯଥା କାଳେ ମୁକୁଟକୁ ସୁବର୍ଣ୍ଣେ ନିର୍ମାଣି l
ରାଜାଙ୍କ ପାଖେ ତାହାକୁ ସମର୍ପିଲା ଆଣି ll
ସୁନ୍ଦର ମୁକୁଟ ଦେଖି ରାଜାହେଲେ ଖୁସି l
ଅଜବ ଚିନ୍ତା ରାଜାଙ୍କ ମୁଣ୍ଡେ ଗଲା ପଶି ll
ନିଶ୍ଚେ ସୁବର୍ଣ୍ଣ ଶୁଦ୍ଧତା ପରଖିବି ମୁହିଁ l
ମାତ୍ର ସୁବର୍ଣ୍ଣ ମୁକୁଟ ଭଗ୍ନ ହେବ ନାହିଁ ll
ଅବୁଝା ରାଜାକୁ ତାଙ୍କ ପାଳବିଣ୍ଡା ମନ୍ତ୍ରୀ l
କଥାକୁ ସରବେ ନେଇହେଲେ ଘଣ୍ଟାଘଣ୍ଟି ll
ଘୋଷଣା କରିଲେ ଦେଶେ ତହୁଁ ତତକ୍ଷଣି l
ପୁରସ୍କାର ଘେନ ଜ୍ଞାନୀ ଏ କଥା ପ୍ରମାଣି ll
ସେ ଦେଶରେ ଥିଲେ ଏକ ସୁଜ୍ଞାନୀ ପାଗଳ l
କଥା ଶୁଣି ମୁଣ୍ଡ ତାଙ୍କ ହେଲା ଗୋଳମାଳ ll
ମୁଣ୍ଡେ ଥାଏ ଏହି କଥା ଦିନେ ସ୍ନାନ ପାଇଁ l
ସ୍ନାନ କୁଣ୍ଡକୁ ଡେଇଁଲେ ଉଲଗନ ହୋଇ ll
ଶରୀର ଓଜନେ ତାଙ୍କ ଜଳ ବହିଗଲା l
କେ ଜାଣେ କି ବୁଦ୍ଧି ତାଙ୍କ ମୁଣ୍ଡକୁ ଯୁଟିଲା ll
ପ୍ରାସାଦକୁ ଦୋଉଡ଼ିଲେ ବାଟେ ଡେଇଁଡେଇଁ l
ଲୋକେ ହସୁଥିଲେ ଦେଖି ଠୋଠୋହୋଇ ll
ମୁଖରେ ସେ କହି କହି ୟୁରେକା ୟୁରେକା l
ଲଙ୍ଗଳା ହୋଇ ଦୌଡ଼ନ୍ତି ପାଗଳ ପ୍ରାୟେକା ll
ରାଜନେ କହିଲେ ଯାଇ ଭାସମାନ ତତ୍ତ୍ୱ l
ସେ ତତ୍ତ୍ୱେ ସୁନା ଶୁଦ୍ଧତା ହେଲା ପ୍ରମାଣିତ ll
ଗୁଣିଜନେ ଏହା ଦେଖି ହୋଇଲେ ଚକିତ l
କିଏ ସେହି ପାଗଳ ଯେ ବଖାଣିଲା ତତ୍ତ୍ୱ ll
ଗଣିତଜ୍ଞ ଆର୍କିମେଡିସ ଭୌତିକ ବିଜ୍ଞାନୀ l
ଆଜି ଯାଏ ଗୁଣ ତାଙ୍କ ବିଶ୍ୱ ହୁଏ ଗୁଣି ll