ମାଆ କୁହନ୍ତି ହିତ

ପୁଅକୁ କୋଳରେ ବସାଇ

ମାଆ କୁହନ୍ତି ହିତ

ଜଗି ରଖି ବାବୁ ଚଳିବୁ

ସମୟ ଭଲ ନୁହେଁ ତ ।

ତୋ ଉପରେ ପଡି ଝିଅ ପିଲାଏ

ତୋତେ କରିବେ କାବୁ

ପଣସ ଖାଇ ଅଠା ତୋ ମୁଣ୍ଡେ

ତାଙ୍କ ଡାଡ୍ ପରା ବଡ଼ ବାବୁ ।

ଠୁଙ୍କି ଦେବେ କେତେ ଧାରା

କେସ୍ ଦେଇ ନାଆଁ ରେ

ମୁକୁଳି ନ ପାରି ଧନରେ

ଆତ୍ମହତ୍ୟା କରିବୁ ଜେଲ୍ ରେ।

ଏଣୁ କହୁଛନ୍ତି ରାଜା ମୋ

ଏଇ କଥା ମାନିବୁ

ଝିଅ ନିଆଁ ଦେଖି କେବେରେ

ପତଙ୍ଗ ନ ସାଜିବୁ।।

ନିଜ ବୟସ ଉପରେ ବାବୁ

ରଖିବୁ ସଦା କାବୁ

ପର ଝିଅଙ୍କୁ ତୋ ନିଜ ମାଆ

ଭଉଣୀ ଭାବୁଥିବୁ।

ନାରୀ ନାରାୟଣୀ ଧନରେ

ଯଦି ଦେବୁ ସମ୍ମାନ

ଭଲ ପିଲା ଭାବେ ଗଣା ହେବୁ

ଈଶ୍ୱର ହେବେ ପ୍ରସନ୍ନ।