ସୁଆଦିଆ ଜାମୁକୋଳି

  

ଆମ ଘର ବୁଲି କାଲି ଆସିଥିଲେ ମାମୁଁ

ଫଳଟିଏ ଆଣିଥିଲେ ନାମ ତାର ଜାମୁ l

ସାବିତ୍ରୀ ଓଷା ଆସୁଛି ବୋଉ ଓଷାପାଇଁ

ଫଳଭାର ଦେଇଥିଲେ ଆମ ସୁନାଆଈ l

ଅପୂର୍ବ କୋଳିରୁ ଗୋଟେ ଚାଖିଦେଇ ମୁଁ

ପଚାରିଲି କିଫଳ ଏ କୁହ ମୋର ମାମୁଁ l

ଜାମୁ ଏହି ମାମୁଁ ମତେ କହିଲେ ବୁଝାଇ

ବିଷମ ଗ୍ରୀଷମ କାଳେ ଏ ଫଳ ଫଳଇ l

ଖଟାମିଠା କଷା ମିଶା ଏହା ସ୍ଵାଦ ଅଟେ

ବସନ୍ତସମୟେ ଜାମୁଗଛେ ଫୁଲ ଫୁଟେ l

ବାଇଗଣୀ ଫଳମାନ ଗ୍ରୀଷ୍ମକାଳେ ଝୁଲେ

ମାଙ୍କଡ ଖାଆନ୍ତି ଡେଇଁ ବୁଲି ଗଛଡାଳେ l

ବଗୁଲିଆ ପିଲାମାନେ ଚଢ଼ି ଜାମୁ ଡାଳେ

ମୁସୁମୁସା ଡାଳ ଭାଙ୍ଗି, ପଡ଼ିଥାନ୍ତି ତଳେ l

ବିଷୁବ ମଣ୍ଡଳେ ଅଟେ, ଜାମୁଦ୍ରୁମ, ବାସ

ଚିର ହରିତ ଏ ଜାମୁ ରଖେ, ପରିବେଶ l

ଜମ୍ବୁଦ୍ଵୀପ ବାସ ଯେଣୁ ନାମବହେ ଜାମୁ

ସଂସ୍କୃତରେ ନାମ ଜମ୍ଭୁ କହୁଥିଲେ ମାମୁଁ l

ହିନ୍ଦୀରେ ଏହାଟି ପୁଣି ଜାମୁନ ବୋଲାଏ

ଅଳପ ଦିନରେ ଜାମୁ ଦ୍ରୁମ ହୋଇ ଥାଏ l

ଏତେ କହି ମାମୁଁ ମତେ କହନ୍ତିରେ ବାବୁ

ଆଜି ଠାରୁ ଦୀକ୍ଷା କର, ବୃକ୍ଷ ଲଗାଇବୁ l

ଜାମୁ ଖାଇ, ମାମୁଁଙ୍କୁ ମୁଁ କହିଲିରେ ଭାଇ

ଧନ୍ୟ ତୁମେ ମାମୁଁମାଇଁ ଆମ ଅଜାଆଈ l