ଅବୁଝା ପ୍ରିୟା

ଚକଲେଟ ନଖାଇ ଅବୁଝା ପ୍ରିୟା ମୋ

ଅଭିମାନ କରିଥିଲା

ଟେଡି ଦିବସରେ ଗେଲେଇ ହୋଇ

ମୋ ପାଖେ ଆସି ବସିଲା l

ଫୁଲେଇ ସଜେଇ ନାକକୁ ଫୁଲେଇ

କାନେ ମୋର କହିଦେଲା

ଟେଡି ଟେ ମୋ ପାଇଁ ଆଜି ନ ଆଣିଲେ

ଘରେ କରିବ ପାଲା l

ଅଟେ ମୁଁ କଂଜୂସ ଆଣିବାର ନାହିଁ

ବୁଦ୍ଧି ମୋ ପ୍ରବଳ ଅଛି

ମିଛରେ କହିଲି ଆଜି ଅଫିସରେ

ମୋର ମିଟିଙ୍ଗ ଅଛି l

ନ ଛାଡେ ବନ୍ଧା ମୋ ରୂପବତୀ ପ୍ରିୟା

ରାଗିକି ପଞ୍ଚମ ହେଲା

ତାର ଶବ୍ଦବାଣ ହୃଦୟକୁ ମୋର

ବହୁତ ଆଘାତ କଲା l

କଂଜୂସ ପଣିଆ ମୋର ଛାଡି ଗଲା

ପକେଟକୁ ଅଣ୍ଡାଳିଲି

ଚପଲଟି ପିନ୍ଧି ଟଙ୍କାକୁ ଧରି

ମାର୍କେଟ ଦଉଡିଲି l

ମନେମନେ ମୁଁ ଗାଳି କରୁଥିଲି

ବୁଢୀ କାଳକୁ ତା ନାଟ

ପକେଟରୁ ମୋର ଟଙ୍କା ସରିଯିବ

ଦିଶୁନାହିଁ ମୋତେ ବାଟ l

ଯାହା ହେଉ ପଛେ ମାନିନୀ ରାଧିକା

ଶାନ୍ତ ଟିକେ ହେଇଯାଉ

ଟେଡି ଦିବସଟି ମୋ ବୁଢୀ ସହ

ଖୁସିରେ କଟି ଯାଉ l