ଅବଶୋଷ

ଅବଶୋଷ /ଅବସୋସ

ଆଜି ବେଳ କାହିଁ 

କାହାରି ପାଖରେ 

ଚାହିଁବାକୁ କାହା ମୁହଁକୁ, 

ପିଲା ଠାରୁ ବୁଢ଼ା 

ସଭିଏଁ ବ୍ୟସ୍ତ 

ଧରି ନିଜ ନିଜ କାମକୁ l

ଯୁଗ ବଦଳିଛି 

ତା'ସାଥେ ବଦଳି 

ଯାଇଛି ସମୟର ସ୍ୱର, 

କ୍ଷଣିକ ଭିତରେ 

ଜାଣି ହେଉ ଅଛି 

ଦେଶ ବିଦେଶର ଖବର l

ତଥାପି କାହିଁକି 

ମୁହଁ ରେ ଫୁଟୁନି 

ହୃଦୟ ଖୋଲା ହସ, 

ଦୂର ଦେଶୁ ସନ୍ତାନର 

ମୁହଁ ଦେଖିବା ଆଶା 

ଦିନୁ ଦିନ ହୁଏ ଶେଷ l

ସବୁ କିଛି ବଦଳିଛି 

ବିଜ୍ଞାନ ଆମକୁ 

ଅନେକ ଦେଇଛି, 

ତଥାପି ମେଣ୍ଟାଇ 

ପାରୁନି ସେ 

ମମତାର ଅବଶୋଷ l