ଅଭିନୟ

ତୁମର ଅଭିନୟ ବେଶ ପ୍ରାଣବନ୍ତ,

ଚିତାକର୍ଷକ ମନଲୋଭା,

କେହିବି ବୁଝି ପାରିବେନି ,

ଏହା ତୁମର ଅଭିନୟ ନାଁ ଆଉକିଛି !

କେତେ ସୁନ୍ଦର ତୁମେ ଫୁଟାଇ ଚାଲିଛ ଚରିତ୍ରର ଚିତ୍ରକୁ,

ମିଛର ଖୋଳାପାକୁ ପିନ୍ଧି ସତର ମଞ୍ଚରେ ।

କେବେ କାନ୍ଦୁଛ କେବେ କନ୍ଦାଉଛ,

କେବେ ହସୁଛ କେବେ ହସାଉଛ ,

ଚମତ୍କାର ସଂଯୋଜନାର ମିଶ୍ରଣ !

ତୁମ ସହ ସହ କଳାକାର ବି ଅନନ୍ୟା,

ତୁମେ ବି କୋଉ କମ କି ?

ହୁଏତ ତୁମ ଛଡା ,

ଏ ଚରିତ୍ର ଲାଗି କେହି ଯୋଗ୍ୟ ହୋଇନଥାନ୍ତେ ,

ସତରେ ଏତେ ସବୁ ବିଦ୍ୟା,

ବିଦ୍ୟାରଣ ପେଷାଦାର ବି ମୁହଁ ଲୁଚାଇବେ ତୁମଠି ।

ହେଲେ କାହିଁ ମଞ୍ଚ ଆଗରୁ ତ ତୁମେ ଏମିତି ନଥିଲ,

ନାଁ ସବୁଭରା ଥାଇ ନଦେଖାଇବାକୁ ଚେଷ୍ଟାକରି ସଫଳ ହେଉଥିଲ,

ତେବେ ଏବେ ଦେଖ !

ତୁମେ ଏବେ ଏବେ ଧରା ପଡ଼ିଗଲ ସମାଜ ଆଗରେ,

ଚେଷ୍ଟା ତୁମର ସବୁ ବିଫଳଗାମୀ ,

ଛାଡ଼ ଏବେତ ଛାଡିଦିଅ ସେ କୁତ୍ରିମ ଆବରଣର ମୋହ ,

ସେ କୁତ୍ରିମ ପାଉଡର ମଖାରେ ତୁମେ ଯେ ସମସ୍ତଙ୍କୁ ବୋକା କରିପାର,

ଏ କଥା ଆଜି ସଭିଙ୍କ ଆଗରେ ବିରାଟ ପ୍ରଶ୍ନଟିଏ ହୋଇ ,

ଏବେ ବୋଧେ ଲାଗିଯିବ ବିରାମ ତୁମ ମିଛ ଅଭିନୟରେ ।।