ଅଭିନୟ

ଦିନେ ମୁଁ ଫେରିଯିବି...

ତୁମେ ବି ଫେରିଯିବ,

ଫେରିଯିବା ସରବେ ଦିନେ..

ସାରି ନିଜ ଅଭିନୟ । 

ଯେବେ ମିଛ ପ୍ରହେଳିକା...

ଆଜିର ଏଇ ସମୟ,

ତୁଚ୍ଛାଟାରେ ତୁମେ କିମ୍ପାଇଁ...

କର ଗରବ ଅନୁଭବ । 

ସମୟ ସମୟର କଥା...

ଯିଏ ଏବେ ନିଜର,

କିଛି ସମୟ ପରେ...

ହୋଇଥିବ ଆଉ କାହାର । 

ଖରା ପରେ ବରଷା...

ବରଷା ପରେ ଶରତ,

ବରଷ ସାରା ପୁଣି...

ଚାଲିଥାଏ ଋତୁ ଚକର । 

ପରିବର୍ତ୍ତନଶୀଳ ପୃଥିବୀ...

ନୁହେଁ ପ୍ରତିଦିନ ସମାନ,

ଗରବ ଅହଂକାର କରି...

କାହିଁ ପାଇବ ଅସମ୍ମାନ । 

ଅଭିନୟ ଯେବେ ଜୀବନ...

ତ୍ୟାଗୀ ମିଥ୍ୟା ଅଭିମାନ,

ପରୋପକାର କରି ଆମେ...

ରଖିବା ନିଜର ମାନ ।