Library
Profile
ଅଭିନୟ
ଅଭିନୟ
ମନା କରୁଥିଲି କରିବାକୁ ତୁମ
ପତ୍ନୀରୂପେ ଯାଇ ଅଭିନୟ
ଅଭିନୟ କରୁ କରୁ ସତ ସତ
ହୋଇଗଲା ଆମ୍ଭ ପରିଣୟ |
ଭଡ଼ାଘରଟିଏ ପାଇବାପାଇଁକି
କେତେଆଡ଼େ ତୁମେ ବୁଲିଥିଲ
ଅବିବାହି ହେତୁ ଭଡ଼ାଘର ନାହିଁ
ନିରାଶେ ମୋ ପାଶେ ପହଞ୍ଚିଲ |
ଦିନଟାଏ ପାଇଁ ପତ୍ନୀ ଅଭିନୟ
କରିବାକୁ ମୋତେ କହିଥିଲ
ମଥାରେ ସିନ୍ଦୂର ହାତରେ ଶଙ୍ଖାକୁ
ଶାଢ଼ୀ ପିନ୍ଧିବାକୁ ବାଧ୍ୟ କଲ |
ଯେମିତି କହିଲ ସେମିତି ତୁମକୁ
ସରାଗରେ କଲି ସମ୍ବୋଧନ
ଅଧା ଓଢଣିକୁ ଟାଣି ଲାଜେ ଲାଜେ
ତୁମ ପାଶେ ହେଲି ବିଦ୍ୟମାନ |
ଏ,ଆସ,କହୁନ,ଶୁଣମ ଇତ୍ୟାଦି
କରିଥିଲ
ି କେତେ ସମ୍ଭାଷଣ
ଅଜାଣତେ ମୋର ପ୍ରେମ ହୋଇଗଲା
ମନ କରିଦେଲି ସମର୍ପଣ |
ଘର ମିଳିଗଲା ଗୋଟିଏ ରାତିରେ
ଅଭିନୟ କଥା ଭୁଲିଗଲ
ନିର୍ଜନ ରାତିରେ ଗୋଟିଏ କକ୍ଷରେ
ଆସି ମୋ କତିରେ ଶୋଇଗଲ |
ନିଆଁ ପାଶେ ଘିଅ ରହିବକି ଥୟ
ଚୁମ୍ବକ ବିଷମମେରୁ ପ୍ରାୟ
ହେଉ ଆକର୍ଷିତ ହୋଇଲେ ମିଳିତ
ନଥିଲା ମନରେ ପରଵାୟ |
ବି ଏ ରେ ଓଡ଼ିଆ ଅନର୍ସକୁ ନେଇ
ପଢ଼ିଥିଲି ଯାହା ପୁସ୍ତକରେ
ବିଦଗଧ ଚିନ୍ତାମଣି ପ୍ରେମରସ
ଅନୁଭବ ହେଲା ବାସ୍ତବରେ |
କଲେଜ ପଢ଼ାରେ ମନ ଲାଗୁନାହିଁ
ତୁମ ରୂପ ନାଚେ ନୟନରେ
ଘଡ଼ିଏ ଅନ୍ତର ସହିପାରୁନାହିଁ
ମରୁଅଛି ତୁମ ବିରହରେ |
