ଅଭିନୟ

ଜଠରୁ ଲମ୍ଫ ଦେଇ

  ଲଭିଲି ମହୀର ପରଶ

କ୍ରମେ ହେତୁଜ୍ଞାନେ ଶିଖିଲି

  ମୋ ଜନମ ଉଦ୍ଦେଶ୍ୟ

ମିଳିଲା 'ଅଭିନୟ'ର ଆଭାସ ।

ମୁଁ, ମୋ କର୍ତ୍ତବ୍ୟ, କର୍ମ

  ସବୁ ତା' ମଧ୍ୟେ ଲୀନ

ବାସ୍, ଗନ୍ତବ୍ୟର ସାଥେ

  ହୋଇଗଲି ତଲ୍ଲୀନ ।

କାହା ମତରେ ମୁଁ କାଳେ ଧୂରୀଣ

 ଅବା ନିତ୍ୟ ପରାହତ ସୈନ୍ୟ

କେବେ ନକରି କିଛିରେ ଭ୍ରକ୍ଷେପ

 ପୁଣି କ୍ଷଣେ କା' ଉପରେ ଆରୋପ ।

ନିଆରା ମୋ କାର୍ଯ୍ୟକ୍ରମ

 ଅବିଶ୍ରାନ୍ତ ଭାବେ ଦୃଶ୍ୟ ପରେ ଦୃଶ୍ୟ

ଯା' ସାଥେ ବି କଲେ ବିମର୍ଷ

  ବାହାରେ ଏକ ହିଁ ନିଷ୍କର୍ଷ

କେବଳ, ବିଧିଦତ୍ତ "ଅଭିନୟ"

  ଦିନ-ମାନ-ବର୍ଷ ।