ଅଭିମାନୀ ପାଇଁ

ଅଭିମାନୀ ମୋର ଅଭିମାନ କରି

କଥା ଜମା ହେଉନାହିଁ

ପ୍ରେମଭରା ମୋର କବିତା ଟି ଆଜି

ଲେଖେ ଅଭିମାନୀ ପାଇଁ

ଦେଖିନାହିଁ ବୋଲି ବହୁଦିନୁ ମତେ

କରିଛି ସେ ଅଭିମାନ

କେମିତି ତାକୁ ମୁ ବୁଝେଇବି ସତେ

ଭାବେ ମୋ ଅବୁଝା ମନ

ମାଗିଥିଲା ମତେ ସମୟ ସେ ଟିକେ

ସେତିକି ବି ଦେଇନାହିଁ

ଇଛା ନଥିଲେ ବି ଜାଣି ଜାଣି ମୋର

ଭୁଲ ହେଇଯାଏ କାହିଁ

ଜାଣିଛି ପାଗେଳି ଛାଡିବନି ହାତ

ମୋର ଏଇ ଜନମରେ

ଅଭିମାନ ତାର ସବୁ ଚାଲିଯିବ

ଡାକିଦେଲେ ଖାଲି ଥରେ

ପ୍ରେମ ଭରା ପଦେ କଥା ଶୁଣିବାକୁ

କରିଛି ସେ ଅଭିମାନ

ଜାଣିଛି କେମିତି ବୁଝେଇ ଦେବି ମୁଁ

ତାର ସେ ମନୁଆ ମନ

ତୋଳି ମୁ ଆଣିଛି ସଜ ଗୋଲପ ଟେ

ମୋର ସେ ଗୋଲାପ ପାଇଁ

ପ୍ରେମ ଭରା ଏଇ କବିତା ମୋହର

ଲେଖିଛି ମୁ ତାର ପାଇଁ

ତାର ରାଗ ରୁଷା କିଛି କ୍ଷଣ ପାଈଁ

ନଥାଏ ମନ ରେ ତାର

ପ୍ରେମଭରା କିଛି କଥା ଶୁଣିବାକୁ

ରୁସିଛି ଫୁଲେଇ ମୋର

ବହୁଦିନ ହେଲା ଲେଖିନି କବିତା

ଲେଖୁଛି ଆଜି ତା ପାଇଁ

ହୃଦୟର ପ୍ରେମ କାଗଜ ରେ ଢାଳି

ଲେଖେ ଅଭିମାନୀ ପାଇଁ