Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Prasanna Kumar Madala

Inspirational

3  

Prasanna Kumar Madala

Inspirational

ଅବହେଳିତଙ୍କ ସ୍ତବ

ଅବହେଳିତଙ୍କ ସ୍ତବ

1 min
6.7K


ରେଳ ଷ୍ଟେସନରେ ମଣିଷ ଦେଖିଲି

ମଣିଷର ଭାରବାହୀ

ପେଟ ପାଟଣାରେ ଅଣ୍ଟା ବଙ୍କା ହେଲା

କେ କରିବ ଏଥୁଁ ତ୍ରାହି ?

ସ୍ଵଦେଶୀ ନାଆଁରେ ବଣିଜ ଚାଲିଛି

ଲଢ଼େଇ ଧରମ ଧାମେ

ଶାଗୁଣା ପଲର ସଭା ମଧ୍ୟେ ଯାଇ

କହି କି ପାରିବା ଆମେ ?

ଖାଇବାକୁ ଯାର ଦୁଇ ଗଣ୍ଡା ନାହିଁ

ଗଣ୍ଡାକରେ ପେଟ ପୂରେ

ଲାଜ ଢାଙ୍କିବାକୁ କନା ତ ଦୁରୂହ

ସୁଖଶାନ୍ତି ବହୁ ଦୂରେ ।

ଦିନ ଦି' ପହରେ ପିପାସୁ ଛଞ୍ଚାଣ

ପଣତକୁ ଧରେ ଝିଙ୍କି

ଅବଳା କନିଆ ଖଣି ଖାଦାନରେ

ଇଜ୍ଜତ ଦିଅଇ ବିକି ।

ଭାଷଣ ବାଜିରେ ଦେଶରେ ଆଗୁଆ

ଗରିବଙ୍କ ଥଇଥାନ

ଧନିକଙ୍କ ପାଇଁ ସରକାରୀ ନୀତି

ଯୋଗାଇଛି ସମାଧାନ ।

ଆଖି ଆଗରେ ତ ନରମେଧ ଯଜ୍ଞ

ମଠ ମନ୍ଦିରରେ ଆମ

ପାଟି ଫିଟାଇଲେ ପୋଲିସ ଦଫାରେ

ଚଢାଇବେ ତୁମ ନାମ ।

ଶାସକ ବୋଲାଏ ଯୋଗୀ ବ୍ରହ୍ମଚାରୀ

ଧନ୍ୟ ଧନ୍ୟ ରାଜନୀତି

ମଣିଷ ମଡାରେ ସପନ ସଉଧ

ତୋଳାଯାଏ ଏଠି ନିତି ।

ମନ୍ତିରୀ ଖାଇଲେ କଞ୍ଚା ମାଉଁସରେ

ପାକଳ ହୁଅଇ ନିଶ

ରଜା ତ ଓଳିଆ ମାଟିର ହଳିଆ

ଲୋଡିଲେ ମିଳେନି ବିଷ ।

ଅନୁଗତ କେହି ବୁଝିବେ ନାହିଁ ଟି

ବ୍ୟଥାର ବିଷମ ଭାର

ଛତ୍ରଛାୟା ତଳେ ଜିଭରେ ତାଙ୍କର

ତୀକ୍ଷ୍ଣ ଅସିର ଧାର ।

ଜାତୀୟ ସଙ୍ଗୀତ ନିନାଦରେ ସିନା

ଗାଅ ଦେଶ ଗଉରବ

ହୃଦୟ ମୋହର ଗାଇ ଲେଖୁଥିବ

ଅବହେଳିତଙ୍କ ସ୍ତବ ।

ପ୍ରସନ୍ନ କୁମାର ମାଦଳା


Rate this content
Log in