ଲାଇବ୍ରେରୀ
ପ୍ରୋଫାଇଲ୍
ଆଉ କିଛି ମାଗୁ ନାହିଁ
ଆଉ କିଛି ମାଗୁ ନାହିଁ
1 min
262
ତୁମ ଶ୍ରୀକ୍ଷେତ୍ର ମାଟିରେ ପାଦ ପଡ଼ୁ ଥାଉ
ଆଉ କିଛି ଲୋଡ଼ା ନାହିଁ
ତୁମ ନାମ ଗାଇ ଦିନ ବିତି ଯାଉ
ଆଉ କିଏ ମୋର ନାହିଁ ।
ତୁମ ନୀଳ ଚକ୍ରରେ ଆଖି ଲାଖି ଥାଉ
ଆଉ କିଛି ମାଗୁ ନାହିଁ
ତୁମ ଦର୍ଶନ ରେ ମନ ଭରି ଯାଉ
ଆଉ ଧନ ଲୋଡ଼ା ନାହିଁ ।
ତୁମ ସାଥେ ମୋର ପ୍ରେମ ହୋଇ ଥାଉ
ଆଉ ସମ୍ପର୍କ ଲୋଡ଼ା ନାହିଁ
ତୁମ ମହା ପ୍ରସାଦ ତୁଣ୍ଡ ମୋର ପାଉ
ଆଉ କିଛି ମାଗୁ ନାହିଁ ।
ତୁମ ବେଶ ଦେଖି ଆତ୍ମା ତୋଷ ହେଉ
ଆଉ କିଛି ଚାହେଁ ନାହିଁ
ତୁମ ପାଦ ପଦ୍ମେ ଚିତ୍ତ ରହି ଥାଉ
ଆଉ ଜନ୍ମ ଲୋଡ଼ା ନାହିଁ ।
ତୁମ ସେବା କରି ବାକୁ ଭାବ ମିଳୁ ଥାଉ
ଆଉ ଯଶ ଲୋଡ଼ା ନାହିଁ
ତୁମ ଧାମ କୁ ମୋର ଡୋରି ଲାଗି ଥାଉ
ଆଉ କିଛି କହୁ ନାହିଁ ।।
