ଆଠ ରଙ୍ଗ

ମୋ ମନ ସହିତ ତୁମ ମନ ମିଳି

ଆଠ ରଙ୍ଗ ଯେବେ ହେଲା

ପ୍ରଥମ ପ୍ରେମର ସାହାନାଇ ବାଜି

କୁହୁକ ପରଶ ଦେଲା

ହସ୍ତ ଧରି ମୋର ହୃଦ ଅଗଣାରେ

ଯେବେ ତୁ ରଖିଲୁ ପାଦ

ନୂଆ ଦୁନିଆରେ ମନ ମୋ ଉଡିଲା

ଶୁଣି ଓମ୍ ପ୍ରେମ ନାଦ

ଖଣ୍ଡିଉଡା ଦେଇ ପ୍ରେମ ପାରାବାର

ପାରି ହେଲି ତୁମ ସାଥେ

କେତେ ଝଡ଼ ଝଞ୍ଜା ସାହସେ ସହିଲି

ମଣିଷ ଚିହ୍ନିଲି କେତେ

କଣ୍ଟକିତ ପଥ ସୁମନେ ସଜ୍ଜିତ

ସାଥେ ମୁଁ ତୁମକୁ ପାଇ

ଜୀବନରେ ଯେତେ ଦୁଃଖ ସୁଖ ସବୁ

ମିଳିମିଶି ଯିବା ସହି

ଏହି ଭାବ ରଙ୍ଗ ପରଜାପତିଟା

ଆନନ୍ଦ ଖେଳାଇ ମନେ

ପ୍ରେମର ଫଗୁଣ ଜୀବନେ ଭରିଲା

ତୁମ ପ୍ରୀତି ଫୁଲ ଦାନେ