ଆତ୍ମଚିନ୍ତନ
ଆତ୍ମଚିନ୍ତନ
କୌରବଙ୍କ ଦୁର୍ଯ୍ୟୋଧନ ନା
ତୁ ପାଣ୍ଡବଙ୍କ ଅର୍ଜୁନ
କେମିତି ବଞ୍ଚିବୁ କହ
ତୋର ଏହି ଜୀବନ।
ଅଯୋଧ୍ୟାର ରାମ ତୁ ନା
ଲଙ୍କାଗଡର ରାବଣ
ତୁଚ୍ଛରେ ମରିବୁ ନା ତୁ
ସାଜିବୁ ଜଣେ ଉଦାହରଣ।
ସ୍ୱର୍ଗର ଦେବତା ନା ତୁ
ପାତାଳର ରାକ୍ଷସ
ରହିଯିବୁ ଅଧାବାଟେ ନା
ଆଗକୁ ବଢିବୁ କରିଦେଇ ସାହସ।
ସୁରକ୍ଷା ଦେଉଥିବା ସେବକ ନା ତୁ
ଶିକାର କରୁଥିବା ଶିକାରୀ
ସ୍ୱାଭିମାନତାକୁ ବଞ୍ଚିରଖିବୁ ନା
ଆନ୍ତରିକତା କୁ ଦେବୁ ମାରି।
ଶାନ୍ତିର ବିହଙ୍ଗ ନା ତୁ
ଆତଙ୍କର ତାଣ୍ଡବ
କେଉଁ ପଥ ବଞ୍ଚିବୁ ତୁ
ଦେ ଥରେ ଜବାବ।