ଆତ୍ମଚିନ୍ତନ

ଇଚ୍ଛା ଥିଲା ଆକାଶରେ ଉଡ଼ିବାକୁ !

ମାଟି ମନାକଲା ବୋଲି ଜୀବନଟା ଖୁବ୍

ଅସ୍ଥିତ୍ବହୀନ ହେଇ ପଡ଼ିରହିଲା ,

ଦୁନିଆଟାକୁ ଚିହ୍ନି ଯିବାକୁ ।

ଏ ଦୁନିଆକୁ ଚିହ୍ନିବା ଏଡେ କଷ୍ଟକର ସତେ !

ସାର୍ କହିଦେଲା ପରି ମନେ ପଡିଗଲା ମୋର ,

ଫିଜିକ୍ସ ବହିର ଲ' ମାନଙ୍କର ମାଧ୍ୟମ ।

କେସ୍ ବିନା ଫିଜିକ୍ସରେ କାଳେ ଲ' ସବୁ ଅର୍ଥହୀନ !

ଇଲେକ୍ଟ୍ରୋନିକ୍ସ ମନୋକ୍ରୋମ ଟେଲିଭିଜନ ,

ସର୍ଟ ସର୍କିଟ ର ବ୍ଲକ୍ ଡାଇଗ୍ରାମ୍ ,

ମନେ ପଡିଗଲା କେହିଜଣେ କହିଥିବା କଥାଟିଏ -

"ଇଲେକ୍ଟ୍ରୋନିକ୍ସ ଜୀବନରେ କାମ ଦିଏନା !"

ହେଲେ କାହିଁକି କେଜାଣି ମୋତେ ଜଣାଯାଏ ,

ବିଜ୍ଞାନ ଓ ଜୀବନ ଉଭୟ ପରିପୂରକ ,

ସେଥିପାଇଁ ବୋଧେ ଏବେ ଖୁବ୍ ନିର୍ବିକାର ଲାଗେ !

ଜୀବନର ଅଖଗୁଳାରେ ଚାଲୁଚାଲୁ ,

ଘର୍ଷଣର ପ୍ରଭାବରେ ମୁଁ ଜଡିସଡି ଯାଏ

ଖାଲି ମୋ ଆପଣାର ସ୍ନେହୀ ପଣରେ !

ଏବେ ଦିନ ସରେ ବିଜ୍ଞାନ ବହିରେ !

ରାତି ପାହେ ମୋର ଟିଭିର ବ୍ଲକ୍ ଡାଇଗ୍ରାମ୍

ଅବା ସିସିଟିଭି କିମ୍ବା ଭିସିଆର୍ ର ସର୍ଟ ସର୍କିଟ ରେ !

ତଥାପି ଜୀବନଟା ଅବୁଝା ରହିଯାଏ ,

ସଂସାର ଗୋଟାକର ମିଥ୍ୟା ଆଶ୍ୱାସନା , ପ୍ରତାରଣା

କିମ୍ବା ସ୍ନେହ ଅବା ଭଲ ପାଇବାର ମିଛ ନାଟକବାଜରେ !

ତଥାପି ମୁଁ ବଞ୍ଚେ ,

କେଉଁ ରାଜଜେମା ଆସିବାର ଆଗତ ପୂର୍ବାନୁମାନରେ ,

ଅବା କାହା ସ୍ନେହ , ଶ୍ରଦ୍ଧା ଆଉ ଭଲପାଇବାର

ଆତ୍ମୀୟତାସକ୍ତ ଗୋଟେ ଅଜବ ଖିଆଲରେ !