ଆତ୍ମ ସଂଯମ

ଯେ 'ବିଷୟ'ର ଚିନ୍ତା କରେ

'ସଙ୍ଗ' ଲଭେ ସେ ସମ୍ବନ୍ଧରେ||

ସଙ୍ଗରୁ ଜନ୍ମଇ କାମନା

ନରକୁ କରେ ଆନ ମନା||

କାମନାରୁ ଯେ କ୍ରୋଧ ଆସେ

ନରକୁ ଅନ୍ଧ କରି ବସେ||

କ୍ରୋଧରୁ ସମ୍ମୋହ ଜନ୍ମଇ

ସମ୍ମୋହେ ସ୍ମୃତି ଭ୍ରମ ଭାଇ||

ସ୍ମୃତି ଭ୍ରମରୁ ବୁଦ୍ଧି ନାଶ

ତହିଁରୁ ମଣିଷ ବିନାଶ ||

କାମନା କ୍ରୋଧ ମୋହ ମାୟା

ମଦ ମାତ୍ସର୍ଯ୍ୟେ ହେଲେ ବାୟା,

ନରର ହୁଏ ଅଧୋଗତି

ଭୋଗଇ ଭୀଷଣ ଦୁର୍ଗତି ||

ଏ ଷଡ ରିପୁର ପ୍ରଭାବେ

ଦୂଷ୍କୃତି ଭାବ ମନେ ଜାଗେ||

ଇନ୍ଦ୍ରିୟ ଲାଳସା ମନରେ

ବୁଦ୍ଧି ବିବେକ ନାଶ କରେ||

ଚରିତ

Advertisement

୍ର ସମୂଳେ ବିନାଶ

ହୁଅଇ ଜାଣ ସର୍ବ ନାଶ||

ଇନ୍ଦ୍ରିୟ ଲାଳସା ଦମନ

ଷଡ ରିପୁ କଲେ ଦମନ,

ଅସାଧ୍ୟ ସାଧନ କରିବ

ଜୀବନେ ସଫଳ ହୋଇବ,

ସକଳ ସୁଖ ଶାନ୍ତି ପାଇ

ବିଖ୍ୟାତ ହୋଇବ ହେ ଭାଇ||

ଆତ୍ମ ସଂଯମୀ ଯିଏ ଅଟେ

ପଡେନି କେବେ ସେ ସଂକଟେ,

ଷଡ ରିପୁକୁ ଜୟ କରେ

ଅଖଣ୍ଡ ସୁଖ ଭୋଗକରେ,

ପହଞ୍ଚି ସଫଳ ଶୀଖରେ

ଅଖଣ୍ଡ ସୁଖ ଭୋଗ କରେ||

ସଂସାରେ ଯେତେ ନାରୀ ନର

ଆତ୍ମସଂଯମ ଲାଭ କର,

ଷଡ ରିପୁ କରି ଦମନ

ହୁଅ ହେ ତୁମେ ବିଶ୍ବପ୍ରାଣ,

ମର୍ତ୍ତ୍ୟ ବି ବୈକୁଣ୍ଠ ସମାନ

ହୋଇବ ବୋଲି ସର୍ବେ ଜାଣ||