ଆତ୍ମ-ସମ୍ମାନ

କେଜାଣି କାହିଁକି ଆଜି, ଶୂନ୍ୟତା କୁ ପଚାରି ଦେଲି,

ସେ, କଣ ପାଇଁ ମୋ ଜୀବନରେ ଆସିଥିଲା

ମତେ ସଜାଡ଼ି ଦେବା ପାଇଁ

ନା ଉଜାଡି ଦେବା ପାଇଁ

ପ୍ରତି ଉତ୍ତରରେ, ଶୁଣିବାକୁ ପାଇଲି

ତତେ ସଜାଡ଼ି ଦେବା ପାଇଁ

ମତେ ପୁଣି ସେ ସଜାଡ଼ି ଦେବା ପାଇଁ

ହାଃ ହାଃ ହାଃ

ହଁ, ହଁ, ତୋର ନିଜ ପ୍ରତି ନିଜର ଭଲ ପାଇବା

ଆଉ ଆତ୍ମ-ବିଶ୍ୱାସକୁ ବଢ଼ାଇ ଦେବା ପାଇଁ ହିଁ ତାର,

ତୋ ଜୀବନରେ ଆଗମନ ଥିଲା

ଓଃ ତା ମାନେ, ମତେ ସ୍ୱାର୍ଥପର ବନେଇ ଦେବାଟା

ତାର ଗୋଟେ ଉଦ୍ଦେଶ୍ୟ ଥିଲା

ଚୁପ !

ତୁ ଯାହାକୁ ସ୍ୱାର୍ଥପର କହୁଛୁ ନା,

ସେଇଟାକୁ ଗୋଟେ ମଣିଷର

ଆତ୍ମ-ସମ୍ମାନ କୁହାଯାଏ

ଏମିତି କହି କହି ଶୂନ୍ୟତା ଦୂରକୁ

ଦୂରକୁ ଚାଲି ଯାଇ ଥିଲା ।