ଲାଇବ୍ରେରୀ
ପ୍ରୋଫାଇଲ୍
"ଆସୁଛନ୍ତି 'ମା 'ଦୁର୍ଗେ ଦୁର୍ଗତିନାଶିନୀ "
"ଆସୁଛନ୍ତି 'ମା 'ଦୁର୍ଗେ ଦୁର୍ଗତିନାଶିନୀ "
1 min
232
ଶରତର ଆଗମନେ ଦେଖ
ଫୁଟିଲାଣି କାଶତଣ୍ଡୀ
ଆମ ଗାଁ ପଥ ଧାରେ ନଦୀ କୂଳେ
ପାଟ-ଗହୀରକୁ ମଣ୍ଡି ll
ଶୁଭ୍ର ରଙ୍ଗେ ଝଲସଇ ତାର
ସେଇ ମୁଗ୍ଧଜ୍ୟୋତି ଆଭା
ପୁଲକିତ କରେ ମନ ପ୍ରାଣ
ତାର ଅପରୂପ ଶୋଭା ll
ଦେଖ ହେ ଜଗତବାସୀ ଫେଡ଼ି
ବେନି ନୟନକୁ ଥରେ
ଆସୁଛନ୍ତି ଦୁର୍ଗତିନାଶିନୀ "ମା"
ପୁଣି ଏଇ ଧରା ପରେ ll
ଆସରେ କରିବା ସର୍ବେ ତାଙ୍କୁ
ପୁଣି ଭକ୍ତି ଆବାହନ
ଦୂରହେଉ ଏ ଧରାରୁ ଯେତେ
ପାପ-କଳୁଷ-ଅଜ୍ଞାନ ll
ମୁକ୍ତ ହେଉ ଏଇ ବସୁନ୍ଧରା
ପାପ କଳ୍ମୁଷ କବଳୁ
ସତ୍ୟ ନ୍ୟାୟ ଧର୍ମ ପଥେ ସଦା
ଏ ସଂସାର ସୁଖେ ଚଳୁ ll
