ଆସୁଛି ରଜ ପରବ
ଆସୁଛି ରଜ ପରବ
ଆସୁଛି ରଜ ମଉଜ
ଗାଆଁ ଓ ସହରେ ଖୁସିର ମଉଜ
ଆସୁଛି ଦୋଳି ମଉଜ
ଆସୁଛି ରଜ ମଉଜ ।
ଗଣପର୍ବ ଏହା ତିନି ଦିନ ଧରି
ଓଡ଼ିଆ ପାରମ୍ପରିକ
ହୁଏ ରଜ ପର୍ବ ଏ ବିଚ୍ଛିନ୍ନାଞ୍ଚଳେ
ମନ କେତେ ଉତ୍ସୁକ
ଆସୁଛି ରଜ ମଉଜ ।
ରଜ ସଂକ୍ରାନ୍ତିର ପୂର୍ବର ଦିନଟି
ରଜର ପହିଲି ପରା
ରଜ ସଂକ୍ରାନ୍ତି ଟି ଦ୍ବିତୀୟ ଦିବସ
ଖୁସିରେ ପାଳିତ ସାରା
ଆସୁଛି ରଜ ମଉଜ ।
ତୃତୀୟ ଦିବସ ଭୂମିଦାହ ପରା
କୁହନ୍ତି ଭୂମି ଦହନ
ଚତୁର୍ଥ ଦିବସ ବର୍ଣ୍ଣିତ ଏ ଶାସ୍ତ୍ରେ
ବସୁମତୀଙ୍କ ଏ ସ୍ନାନ
ଆସୁଛି ରଜ ମଉଜ ।
ରଜ ଅର୍ଥ ଯହିଁ ରଜବତୀ ପରା
ଧରିତ୍ରୀ କୁ ହିଁ ଇଙ୍ଗିତ
ହେବ ଭଲ ଶସ୍ୟ ଭଲ ବୃଷ୍ଟି ହେବ
ଚାଷୀଭାଇ ଆନନ୍ଦିତ
ଆସୁଛି ରଜ ମଉଜ।
ବସୁମତୀ ପୂଜା କରେ ଟି କୃଷକ
ରଜ ପର୍ବ ଉତ୍ସବରେ
ହଳ ଓ ଲଙ୍ଗଳ କରେ ସେ ପୂଜନ
ଫସଲ ହେଉ ଭଲରେ
ଆସୁଛି ରଜ ମଉଜ ।
ଗାଆଁରୁ ସହର ପ୍ରେମ ଓ ପିରତି
ଖୁସିରେ ଯୁବା ଯୁବତୀ
ଦୋଳିର ମଉଜ ରଜର ସଙ୍ଗୀତ
କରେ ଉତ୍ସାହିତ ଅତି
ଆସୁଛି ରଜ ମଉଜ।
ପିଠାପଣା ପରା ଓଡ଼ିଆ ଙ୍କ ଘରେ
କହିଲେ ତା ନ ସରେ
ସ୍ବାଦିଷ୍ଟ ବ୍ୟଞ୍ଜନ ରଜରେ ନିର୍ମିତ
ଖୁସି ଓ ଆନନ୍ଦ ଘରେ
ଆସୁଛି ରଜ ମଉଜ ।
ବିଭିନ୍ନ ଦୋଳି ଟି ନିର୍ମିତ ରଜରେ
ରାମ ଦୋଳି ଚକ୍ର ଦୋଳି
କେଉଁଠି ଦିଶିବ ପାଟଦୋଳି ପରା
ଦିଶିବା ଏ ଦାଣ୍ଡିଦୋଳି
ଆସୁଛି ରଜ ମଉଜ ।
ଗୀତରେ ଗୁଞ୍ଜିବ ପରା ଏ ଧରିତ୍ରୀ
ବର୍ଷିବ ପ୍ରେମ ସଙ୍ଗୀତ
ବାଜିବ କାହାଳୀ ବାଜିବ ମୃଦଙ୍ଗ
ଅମୃତ କାଳ ଉମଙ୍ଗ
ଆସୁଛି ରଜ ମଉଜ।
ଅମୃତ କାଳର ରଜ ଏହୁ ପରା
ଦ୍ଵାପର ଯୁଗର ପରି
ରାଧାକୃଷ୍ଣ ପରି ଦୋଳି ଝୁଲୁ ଥିବେ
ଆଜିର ଏ ଯୁବା ନାରୀ
ଆସୁଛି ରଜ ମଉଜ ।
ନୂଆ ଭାରତର ବୈଭବ ଗୁଞ୍ଜୁଛି
ଦୁନିଆ ଟି ପରା ସାରା
ସଂସ୍କୃତି ସଂସ୍କାର ଆନନ୍ଦ ଉଲ୍ଲାସେ
ଦେଖିବ ବିଶ୍ବ ଟି ପରା
ଆସୁଛି ରଜ ମଉଜ ।