ଆଷାଢ଼ର ପହିଲି ବରଷା

ଆଷାଢର ପହିଲି ବରଷା

ସାଜି କେବେ ତୁମେ ଆସିଲ ମୁଁ ଜାଣେନା

ତୁମ ପ୍ରେମର ବର୍ଷା ଛିଟା 

ଯେବେ ମୋତେ ସ୍ପର୍ଶ କଲା

ମୋ ମନେ ପ୍ରେମର ରାଗିଣୀ ପୁଣି ସଙ୍ଗୀତ ଗାନ କଲା। 

ସେହି ଆଷାଢ଼ର ପହିଲି ବର୍ଷାରେ 

ତମର ରୁଣୁଝୁଣୁ ପ୍ରେମ ସଙ୍ଗୀତ ସ୍ୱରେ

ମୋ ମନ ମୟୂରୀ ଆଜି ନାଚି ଉଠିଲାରେ

ଅତୀତରେ ଭାଙ୍ଗି ଯାଇଥିବା ସେ ସପନ ସବୁ ପୁନଃଜୀବିତ ହୋଇ ଉଠିଲା ଯେ।। 

ସେହି ଆଷାଢ଼ର ପହଲି ବର୍ଷା

ପୁଣି ମୋ ଶୁଷ୍କ ଜୀବନେ ଭରିଦେଲା

ଆଉ ଥରେ ପ୍ରୀତିର ପ୍ରେମ ପରିଭାଷା

ପୁଣି ମୋ ମୁଖରେ ହସ ମୁଖରିତ ହୋଇ ଉଠିଲା।। 

ସେହି ଆଷାଢ଼ର ପହିଲି ବର୍ଷା ଆଜି

ଭିଜେଇ ଦେଲା ମୋ ତନୁ ମନ ସବୁ କିଛି 

ଯାହା ମୋତେ ଲାଗୁଥିଲା ମରୀଚିକା ପରି

ଆଜି ତାହା ସତ ହେଲା ମୋ ଜୀବନେ ତୁମ ପାଇଁ।। 

ସେହି ଆଷାଢ଼ର ପହିଲି ବରଷାରେ ଆଜି 

ମୁଁ ଦେଲି ତୁମକୁ ପ୍ରତିଶ୍ରୁତି 

ଭାଙ୍ଗିବି ନାହିଁ ତୁମର ଆଶା ଭରସା କେବେ ବି

ହୋଇ ରହିବି ତୁମର ସବୁ ଦିନ ପାଇଁ ମୁହିଁ।।