Library
Profile
ଆଷାଢ଼ ରାତି
ଆଷାଢ଼ ରାତି
ଅପାର ଗରମ ଆଷାଢ଼େ
ଛୋଟ ମୋଟ ରାତିରେ
କେଉଁ ଅପରାଧ ହୋଇଛି
ଶାନ୍ତି ନାହିଁ କେହୁରେ ।
କ୍ରୋଧ କରିଛନ୍ତି କିବା ସେ
ଆମ ଗ୍ରାମ ଦେବତୀ
କେଉଁ ଅପରାଧ ହୋଇଲା
କିବା ହେଲା ଅନୀତି ।
ଆଜିର ମନୁଷ୍ୟେ ନାହିଁରେ
ରୀତି ନୀତି ସଂସ୍କାର
ସଂସ୍କୃତି ସଂସ୍କାର ଭୁଲିଲା
ଆଜି ଗାଆଁ ଆମର ।
ଅକାଳ ମୃତ୍ୟୁରେ ହେଉଛି
ଧ୍ୟାନ ନାହିଁ କାହାର
ଅସମୟେ ପ୍ରାଣ ଯାଉଛି
ଦୁଃଖ ଦିଏ ଅପାର ।
ପୁଣା ପୂଜା ଦିନୁ ଘଟଣା
ଲାଗି ଅଛି ଏଠାରେ
କାହିଁକି ଏପରି ହେଉଛି
ଚିନ୍ତା ଘରରୁ ଘରେ ।
କଲେ ମାନସିକ ଦେହୁରୀ
ଗାଆଁ ମଙ୍ଗଳ ପାଇଁ
ପ୍ରେମ ଶ୍ରଦ୍ଧା ପ୍ରୀତି ଛାମୁରେ
କଲେ ଅର୍ପଣ ଯାଇ ।
କରହେ ସୁରକ୍ଷା ଗାଆଁର
କର ଅନିଷ୍ଟ ଦୂର
ନାହି ଶକ୍ତି ଆଉ କାହାର
ଭକ୍ତି ପଦେ ତୁମର ।
ବୃଷ୍ଟି କରୁ ଇନ୍ଦ୍ର ଗାଆଁ ରେ
ଦେବୀ କରୁଣା କର
ଅନ୍ନପୂର୍ଣ୍ଣ କର ଗାଆଁ କୁ
ନାମ ଗୁଞ୍ଜୁ ତୁମର ।
