ଆସରେ ପିଲେ
ଆସରେ ପିଲେ
ଆସରେ ପିଲେ ଖୁସିରେ ବସ
ଶିଖିବା ବ୍ୟାକରଣ,
ସ୍ଵର ସନ୍ଧିର କିଛି ଶବ୍ଦରେ
ଦେବି ଉଦାହରଣ।
ଅ" ବା ଆ" ପରେ ଅ"ବା ଆ"ଥିଲେ
ଉଭୟ ମିଶି ଆ"ହୁଏ
ଆ"ପୂର୍ବ ବ୍ୟଞ୍ଜନ ସହ ଯୁକ୍ତ ହୁଏ,
ଅ ଅ=ଆ,କମ୍ବଳାସନ ବିଦ୍ୟାଳୟ
ମନେଥିବ ନିଶ୍ଚେ ପିଲେ।
ଇ"ବା ଈ" ପରେ ଇ" ବା ଈ" ଥିଲେ
ଉଭୟ ମିଶି ଈ" ହୁଏ
ଈ"ପୂର୍ବ ବ୍ୟଞ୍ଜନ ସହ ଯୁକ୍ତ ହୁଏ,
ରବି ଇନ୍ଦ୍ର=ରବୀନ୍ଦ୍ର, ପରି ଈକ୍ଷା=
ପରୀକ୍ଷା ଯେ ହୋଇଥାଏ।
ଇ ଇ=ଈ,ଇ ଈ=ଈ
ଉ"ବା ଊ"ପରେ ଉ" ବା ଊ"ଥିଲେ
ମିଶି ଊ"ହୋଇଯାଏ
ଊ ପୂର୍ବ ବ୍ୟଞ୍ଜନ ସହ ଯୁକ୍ତ ହୁଏ,
କଟୁ ଉକ୍ତି=କଟୁକ୍ତି,ସିନ୍ଧୁ ଉର୍ମି=
ସିନ୍ଧୁର୍ମି ହୋଇଥାଏ।
ଉ ଉ=ଊ,ଉ ଊ=ଊ
ପ୍ରଥମ ଶବ୍ଦର ଶେଷରେ ଅ" ବା ଆ"
ଦ୍ଵିତୀୟ ଆଦ୍ୟେ ଇ"ବା ଈ",
ଅ"ବା ଆ" ଇ" ବା ଈ" ମିଶି
ଦେଖ "ଏ" ଅଛି ହୋଇ।
ଶୁଭ ଇଚ୍ଛା=ଶୁଭେଚ୍ଛା, ଗଣ ଈଶ =
ଗଣେଶ ତ ଗଲା ହୋଇ।
ଅ ଇ=ଏ,ଅ ଈ=ଏ
ପ୍ରଥମ ଶବ୍ଦର ଶେଷେ ଅ" ବା ଆ" ଥିଲେ
ଦ୍ଵିତୀୟ ଆରମ୍ଭେ ଉ"ବା ଊ" ଥିଲେ
ଉଭୟ ମିଶି ଓ"ହୁଏ,
ପୂର୍ବ ବ୍ୟଞ୍ଜନରେ ଯୁକ୍ତ ହୁଏ।
ଅର୍ଥ ଉପାର୍ଜନ= ଅର୍ଥୋପାର୍ଜନ
ମହା ଉତ୍ସବ=ମହୋତ୍ସବ
ଅ ଉ=ଓ,ଆ ଉ=ଓ
ଆଜିର ପାଠକୁ ମନଧ୍ୟାନ ଦେଇ
ଅଭ୍ୟାସ ଯଦି କରିଲେ,
ବିଦ୍ୟା ମହାଧନ ହେବ ନାହିଁ ନଷ୍ଟ
ମନେ ରଖିଥିବ ପିଲେ।
(ପୁଣି କାଲିକୁ...)